ބާރަ ވަނަ އެސޯސިއޭޝަން ކެރަމް ޗެމްޕިއަންޝިޕްގެ ސިންގަލްސް ޗެމްޕިއަންކަން އިސްމާއިލް އަޒްމީން އާއި އައިމިނަތު ވިދާދް ހޯދައިފިއެވެ.

ހުޅުމާލޭގައި ހުންނަ ކެރަމް އެރީނާގައި ކުރިއަށްދިޔަ މި ފަހަރުގެ މުބާރާތުގެ ފިރިހެން ސިންގަލްސް ޗެމްޕިއަންކަން އަޒްމީން ހޯދީ ފައިނަލުގައި 2-1 ސެޓުން ހަސަން ނާޒިމް (ނާނަ) ބަލިކޮށްގެންނެވެ. 

މި މެޗުގެ ސެޓުތައް އަޒްމީން ގެންދިޔައީ، 7-20، 25-3، އަދި 17-14 އިންނެވެ. 

މުބާރާތުގެ އަންހެން ސިންގަލްސް ފައިނަލުގައި ފާތިމަތު ރަޔާނާ އަތުން ވިދާދް މޮޅުވީ ވެސް 2-1 ސެޓުންނެވެ. މި މެޗުގެ ސެޓުތައް ވިދާދް ގެންދިޔައީ، 13-10، 17-18، އަދި 19-12 އިންނެވެ.

އޯޕަން ސިންގަލްސް ޗެމްޕިއަންކަން ޔަމާން އަބްދުލް ޖަލީލް ހޯދީ ފައިނަލުގައި ސީދާ ދެ ސެޓުން އާދަމް އަދީލް ބަލިކޮށްގެންނެވެ. ޔަމާން މި މެޗުގެ ސެޓުތައް ކާމިޔާބުކުރީ 25-9، 25-18 އިންނެވެ.