ENGLISH
04 އޭޕްރީލު 2025
ތިން ވަނަ މެޗުން ވެސް އިންގްލެންޑް ބަލިވެއްޖެ
01 މާރިޗު 2025
|
ދެކުނު އެފްރިކާއާ އިންގްލެންޑް ބައްދަލުކުރި މެޗުގެ ތެރެއިން. --ފޮޓޯ: ގެޓީ އިމޭޖަސް
އެންމެ މަޤްބޫލު
އައިސީސީ ޗެމްޕިއަންސް ޓްރޮފީގައި މިއަދު ކުޅުނު މެޗުގައި ދެކުނު އެފްރިކާ އަތުން ހަތް ވިކެޓުން އިންގްލެންޑް ބަލިވެއްޖެއެވެ.
މިއާއެކު، މުބާރާތުގެ ގްރޫޕް ބީގައި ހިމެނޭ އިންގްލެންޑް މިހާތަނަށް ކުޅުނު ތިން މެޗުން ވެސް ވަނީ ބަލިވެފައެވެ. މި ގްރޫޕުން ސެމީ ފައިނަލަށް ދަތުރުކުރީ އެއްވަނަ މަގާމުގައި އޮތް ދެކުނު އެފްރިކާ އާއި ދެވަނަ ހޯދި އޮސްޓްރޭލިއާ އެެވެ.
ޕާކިސްތާންގެ ކަރާޗީގައި ހުންނަ ނޭޝަނަލް ސްޓޭޑިއަމްގައި ކުޅުނު މެޗުގައި ޓޮސް ދިމާވުމުން އިންގްލެންޑުން ކުޅެން އަރައި، 38.2 އޯވަރުގެ ތެރޭގައި ހުރިހާ ކުޅުންތެރިން ނުބައިވީ 179 ލަނޑަށެވެ.
މި އިނިންގްސްގައި އިންގްލެންޑުން އެންމެ ރަނގަޅަށް ކުޅުނީ 37 ލަނޑު ހެދި ޖޯ ރޫޓް އެވެ. ދެކުނު އެފްރިކާ އިން އެންމެ ގިނަ ވިކެޓްނެގީ މާކޯ ޖެންސަން އާއި ވިއާން މަލްޑާ އެވެ. މި ދެ ކުޅުންތެރިން ވެސް ތިން ވިކެޓް ނެގިއެވެ.
ޖަވާބުގައި ކުޅެން އަރައި، 29.1 އޯވަރުގެ ތެރޭގައި ދެކުނު އެފްރިކާ މޮޅުވެގެން ފޭބީ ތިން ވިކެޓަށް 181 ލަނޑު ހަދައިގެންނެވެ. އެ ޓީމުން އެންމެ ރަނގަޅަށް ކުޅުނީ ނުބައިނުވެ 72 ލަނޑުހެދި ރަސީ ވެން ޑަ ޑުސެން އެވެ.
މި މެޗުގެ މޮޅު ކުޅުންތެރިއަކަށް ހޮވުނީ ދެކުނު އެފްރިކާގެ އުކުންތެރިޔާ، މާކޯ ޖެންސަން އެވެ.