ޞިއްޙީ ނިޒާމު ހަރުދަނާކުރުމަށް އަޅަންޖެހޭ ފިޔަވަޅުތަކާ ގުޅޭގޮތުން މަޝްވަރާކުރެއްވުމަށް ހެލްތު މިނިސްޓަރ އަބްދުﷲ ނާޒިމް އިބްރާހީމް ރީޖަނަލް ހޮސްޕިޓަލްތަކުގެ ސީއީއޯއިންނާއި އިސް މެނޭޖްމަންޓާ ބައްދަލުކުރައްވައިފިއެވެ.

ހެލްތު މިނިސްޓްރީގައި ބޭއްވި މި ބައްދަލުވުމުގައި، ބަލި މީހުންނަށް ދެވޭ ޚިދުމަތުގެ ފެންވަރު މަތިކުރުމާއި، ހިންގުމުގެ ހަރުދަނާކަން އިތުރުކުރުމާއި، އާ ޓެކްނޮލޮޖީ ތަޢާރަފުކުރުމާ އަދި ޞިއްޙީ މަރުކަޒުތަކުގެ މެދުގައި ގުޅުން ބަދަހިކުރުމާ ގުޅޭގޮތުން މަޝްވަރާކުރެވުނެވެ.

މި ހަފުތާ ބަންދުގައި ބޭއްވި ހެލްތު އެކްސްޕޯގައި ވާހަކަފުޅު ދައްކަވަމުން މިނިސްޓަރ ނާޒިމް ވިދާޅުވެފައިވަނީ މި އެކްސްޕޯ  މާލޭގެ އިތުރުން ރާއްޖޭގެ އެހެން ރަށްރަށުގައި ވެސް ބާއްވާނެ ކަމަށެވެ.