ENGLISH

04 އޭޕްރީލު 2025

Advertisement

މެޗަކުން ބަލިނުވެ މާޒިޔާ އިން ޔޫތު މުބާރާތް ކާމިޔާބުކޮށްފި

01 މާރިޗު 2025

|

މުޙައްމަދު އަދުހަމް

މާޒިޔާ އިން ޓްރޮފީ އުފުލާލަނީ. --ފޮޓޯ: އިމޭޖަސް.އެމްވީ

ނަވާރަ އަހަރުން ދަށުގެ ޔޫތު ޗެމްޕިއަންޝިޕްގައި ރޭ ކުޅުނު ފައިނަލުގައި ފަހަތުން އަރައި، 6-1 އިން ކުލަބު އީގަލްސް ބަލިކޮށް، މާޒިޔާ ސްޕޯޓްސް އެންޑް ރެކްރިއޭޝަނުން އެ މުބާރާތުގެ ޗެމްޕިއަންކަން ހޯދައިފިއެވެ.

މި ފަހަރުގެ މުބާރާތް މާޒިޔާ ކާމިޔާބުކޮށްފައިމިވަނީ ގްރޫޕް ސްޓޭޖުގައި ކުޅުނު މެޗުތައް ހިމެނޭ ގޮތަށް އެއްވެސް މެޗަކުން ބަލިނުވެ، ސައްތައިން ސައްތައިގެ ރެކޯޑަކާއެކު އެވެ. މިއީ އެ ޓީމު ޔޫތު މުބާރާތެއް ކާމިޔާބުކުރި ދެވަނަ ފަހަރެވެ.

ގަލޮޅު ރަސްމީ ދަނޑުގައި ރޭ ކުޅުނު މެޗުގެ ފުރަތަމަ ހާފުގެ ކުރީކޮޅު ލީޑު ނެގީ އީގަލްސް އިންނެވެ. އެ ޓީމަށް މި ލަނޑުޖަހައިދިނީ އައްޝާމް އިބްރާހިމް މުޙައްމަދު އެވެ. މި ގޯލާއެކު އެ ޓީމުން ފުރަތަމަ ހާފު ނިންމާލީ 1-0 އިން ކުރީގައި އޮވެގެންނެވެ.

ދެވަނަ ހާފުގައި މާޒިޔާ އިން ޖެހި ހަ ލަނޑުގެ ތެރެއިން އެ ޓީމުގެ އަނޫފް އަބްދުﷲ އާއި މުޙައްމަދު އިލާން އިމްރާން ކުރެން ކޮންމެ ކުޅުންތެރިއަކު ދެ ލަނޑު ޖެހިއެވެ. މާޒިޔާގެ އަނެއް ދެ ލަނޑު ޖަހައިދިނީ އައިދާމް އަހުމަފު މޫސާ އާއި ނައްސާހު އިބްރާހިމް ނާސިރު އެވެ.

މިއީ މި ފަހަރުގެ މުބާރާތުގައި އީގަލްސް މައްޗަށް މާޒިޔާ އިން ހޯދި ދެވަނަ މޮޅެވެ. މީގެކުރީން، ގްރޫޕް ސްޓޭޖުގެ ފުރަތަމަ މެޗުގައި މާޒިޔާ ވަނީ 3-1 އިން އީގަލްސް ބަލިކޮށްފައެވެ.

ކިޔުންތެރިންގެ ހިޔާލު