ENGLISH

04 އޭޕްރީލު 2025

Advertisement

ލިވަޕޫލަށް މިދިޔަ އަހަރު 71 މިލިއަން ޑޮލަރުގެ ގެއްލުމެއް

01 މާރިޗު 2025

|

މުޙައްމަދު އަދުހަމް

ލިވަޕޫލް ފުޓްބޯލް ކުލަބުގެ ރަސްމީ ލޯގޯ ދައްކުވައިދޭ ފޮޓޯއެއް. --ފޮޓޯ: ރޮއިޓާސް

މިދިޔަ ސީޒަނުގައި ލިވަޕޫލަށް ޓެކުހަށް ނުކަނޑާ، ގާތްގަނޑަކަށް 57 މިިލިއަން ޕައުންޑް (71.8 މިލިއަން އެމެރިކާ ޑޮލަރު) ގެ ގެއްލުންވެފައިވާ ކަމަށް އެންމެ ފަހުގެ މާލީ ހިސާބުތަކުން ދައްކައިފިއެވެ.

އެ ކުލަބުން އާއްމުކޮށްފައިވާ މާލީ ހިސާބުތަކުން ދައްކާގޮތުގައި، އިދާރީ ހަރަދުތައް ކުރިއަށްވުރެ 38 މިލިއަން އިތުރުވެ، 600 މިލިއަން ޕައުންޑް (755.88 މިލިއަން އެމެރިކާ ޑޮލަރު) ފަހަނައަޅައި ގޮސްފައިވަނީ، މުސާރަ އާއި އެހެނިހެން އޯވަހެޑް ހަރަދުތައް އިތުރުވުމުންނެވެ.

މިއާއެކު، ނިމިދިޔަ މާލީ އަހަރުގައި އެ ކުލަބުގެ އާމްދަނީއަށް 20 މިލިއަން ޕައުންޑު އިތުރުވެ ، 614 މިލިއަން ޕައުންޑް (773.52 މިލިއަން އެމެރިކާ ޑޮލަރު) ގެ ރެކޯޑް އާމްދަނީއެއް ލިބުނު ނަމަވެސް، ޔުއެފާ ޗެމްޕިއަންސް ލީގުގައި ކުޅެވޭގޮތްނުވުމުން މީޑިއާ އާމްދަނީގެ ގޮތުގައި ލިބުނީ އިހުނަށްވުރެ 38 މިލިއަން ޕައުންޑް މަދުންނެވެ. އެއީ، ގާތްގަނޑަކަށް 204 މިލިއަން ޕައުންޑް (257 މިލިއަން އެމެރިކާ ޑޮލަރު) އެވެ. 

ލިވަޕޫލްގެ މާލީ ހިސާބުތަކުގައިވާގޮތުން، މެޗްޑޭ އާމްދަނީ ވަނީ ކުރިއަށްވުރެ 22 މިލިއަން އިތުރުވެ، 102 މިލިއަން ޕައުންޑަށް (128.5 މިލިއަން އެމެރިކާ ޑޮލަރު) އަރާފައިވާއިރު، ވިޔަފާރީގެ ގޮތުން ލިބުނު އާމްދަނީ 36 މިލިއަން އިތުރުވެ 308 މިލިއަން ޕައުންޑަށް (388.02 މިލިއަން ޑޮލަރު) އަރާފައިވެއެވެ.

މާލީގޮތުން ދެމެހެއްޓެނިވި ކުލަބެއްގެ ގޮތުގައި ހިންގުމަށް ލިވަޕޫލުން އިސްކަންދޭ ކަމަށާއި، ހަރަދުތައް އަބަދުވެސް އިތުރުވަމުންދާތީވެ، މާލީ ހަރުދަނާކަން ދެމެހެއްޓުމަށްޓަކައި އަހަރުން އަހަރަށް އާމްދަނީ އިތުރުކުރުމަކީ ވަރަށް މުހިއްމު ކަމެއް ކަމަށް ވެސް އެ ކުލަބުގެ ޗީފް ފައިނޭންޝަލް އޮފިސަރ، ޖެނީ ބީޗަމް ނެރުނު ބަޔާނެއްގައިވެއެވެ.

ކިޔުންތެރިންގެ ހިޔާލު