މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމުގެ ދަށުން ހިންގުނު ދެވަނަ ބޭސިކް މެރިކަލްޗަރ ކޯސް ނިންމުމުގެ ރަސްމިއްޔާތު މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ވަޒީރު އަޙްމަދު ޝިޔާމް، ޝަރަފްވެރި ކޮށްދެއްވައިފިއެވެ.

މިއީ ސަރުކާރުގެ ހަފުތާ 14 ގެ ހަރަކާތްތަކުގެ ބަޔެކެވެ.

މި ކޯހުގައި ބައިވެރިވި 14 ފަރާތަކަށް ސެޓްފިކެޓް ހަވާލުކޮށްފައިވެ އެވެ. މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމުގެ ދަށުން މިހާތަނަށް 26 ފަރާތެއް ތަމްރީނު ފުރިހަމަކޮށްފައިވާ ކަމަށް މިނިސްޓްރީން މައުލޫމާތު ދެ އެވެ.

މި ކޯހަކީ ވޯރލްޑް ބޭންކުގެ އެހީގައި މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރުން ހިންގާ ޓްރާންސްފޯމް ޕްރޮޖެކްޓުގެ އެހީތެރިކަމާއެކު މޯލްޑިވްސް މެރިން ރިސާރޗް އިންސްޓިޓިއުޓުން ހިންގާ ކޯހެކެވެ. މި ކޯހުގެ މައިގަނޑު މަޤްޞަދަކީ ރާއްޖޭގައި މެރިކަލްޗަރ ސިނާޢަތެއް ތަޢާރަފުކޮށް ތަރައްޤީކުރުމަށް ބޭނުންވާ ދިވެހި ފަންނުވެރިން އުފެއްދުމެވެ.