ކޮންމެ އަހަރަކުވެސް ރޯދަމަހާ ދިމާކޮށް ބާއްވާ އެސްޓީއޯގެ "ރަމަޟާން ބާޒާރު" އެއްލައްކަ ރުފިޔާގެ ފައިސާގެ އިނާމަކާ އެކު ފަށައިފި އެވެ. 

މާލެ އާއި އަތޮޅުތެރޭގައި ހުންނަ އެސްޓީއޯ ޕީޕަލްސް ޗޮއިސްގެ ފިހާރަތަކުގައި ރަމަޟާން މަހުގެ ނިޔަލަށް ކުރިއަށް ގެންދާ މި ޕްރޮމޯޝަންގެ ބޮޑު އިނާމެއްގެ ގޮތުގައި ހުށަހަޅާފައިވަނީ، ގުރުއަތުން ހޮވޭ ފަރާތަކަށް އެއްލައްކަ ރުފިޔާގެ ފައިސާގެ އިނާމެކެވެ. 

އެސްޓީއޯއިން ވިދާޅުވި ގޮތުގައި ރަމަޟާން ބާޒާރު ޕްރޮމޯޝަންގައި 500 ރުފިޔާއިން މަތީގެ ކޮންމެ ވިޔަފާރިއަކަށް ކޫޕަނެއް ދޫކުރާނެއެވެ. އަދި ކޮންމެ ހަފުތާއަކު ނަގާ ގުރުއަތުން ހޮވޭ ފަރާތަކަށް ވެސް ހަދިޔާއެއް ލިބޭނެއެވެ.

އެސްޓީއޯއިން ވިދާޅުވި ގޮތުގައި މި އަހަރުގެ ޕްރޮމޯޝަނުގައި ހޯމް އެޕްލަޔަންސްތަކުން 50 ޕަސެންޓާ ހަމައަށް ޑިސްކައުންޓު ލިބޭނެއެވެ.