ENGLISH

04 އޭޕްރީލު 2025

Advertisement

ޗައިނީސް ނިއު އިޔާއަށް ފަތުރުވެރިން ގެންނަށް އޭ-330 ގެ ދަތުރުތައް މި މަހުގެ 21 ގައި ފަށަނީ

08 ޖެނުއަރީ 2025

|

އަހުމަދު ސައީދު

ޗެންދޫގެ ޗައިނީސް ނައިޓް މާކެޓް: އޭ-330 ގެ ފުރަތަމަ ދަތުރުކުރާނީ ޗެންދޫ އަށް.

ޗައިނީސް ނިއު އިޔާގެ ކުރިއަށް ޗައިނާގެ ފަތުރުވެރިން ރާއްޖެ ގެނެވޭވަރަށް މޯލްޑިވިއަންގެ އާ ބޯޓު އެއާބަސް އޭ 330-200 ގެ ދަތުރުތައް މިމަހުގެ 21 ގައި ފަށަން ހަމަޖައްސައިފިއެވެ. 

ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަ ދައްކަވަމުން، ދަތުރުފަތުރާއި މަދަނީ އުދުހުންތަކާއި ބެހޭ ވަޒީރު މުހައްމަދު އަމީން ވިދާޅުވީ، ހޯމަ ދުވަހު މޯލްޑިވިއަނަށް ގެނައި ފުރަތަމަ ވައިޑް-ބޮޑީ މަތިންދާ ބޯޓުގެ ފުރަތަމަ ދަތުރު ކުރާނީ މި މަހުގެ 21 ވަނަ ދުވަހު ޗައިނާގެ ޕެންޑާ ސިޓީގެ ގޮތުގައި މަޝްހޫރު ޗެންދޫ އަށް ކަމަށެވެ. ޗެންދޫއަކީ 21 މިލިއަން މީހުން ދިރިއުޅޭ ޒަމާނީ މުއްސަނދި ސިޓީއެވެ. 

މޯލްޑިވިއަން އިން ބުނެފައިވާ ގޮތުގައި ޗައިނާގެ ތިން ސިޓީއަށް އޭ-330 އިން ކުރާނީ ޝެޑިއުލް ދަތުރުތަކެކެވެ. ޗެންދޫގެ އިތުރަށް ޗައިނާގެ ވެރިރަށް ބެއިޖިން އާއި ޝަންހާއީއަށް ވެސް 264 މީހުންގެ ޖާގައިގެ ބޯޓު ހަފުތާއަކު ދަތުރެއް ކުރާނެއެވެ. މި އަހަރުގެ ޗައިނީސް ނިއުއިޔާ ފަށާނީ ޖެނުއަރީ 29 ވަނަ ދުވަހުވެ.

އަމީން ވިދާޅުވި ގޮތުގައި އަލަށް ގެނައި ބޯޓުގެ ދަތުރުތައް ފެށުމަށްޓަކައި މިހާރު ކުރަމުން ދަނީ އިދާރީ ގޮތުން ހަމަޖައްސަން ޖެހޭ ކަންކަން ހަމަޖެއްސުމާއި ކްރޫއިން ބޯޓަށް ޚާއްސަވުމުގެ ޓްރޭނިން ހެދުމުގެ މަސައްކަތެވެ. 

ބިޒްނަސް ކްލާސް 18 ސީޓާއި، 36 ޕްރިމިއަމް އިކޮނޮމީ އަދި 210 އިކޮނޮމީ ސީޓު ހިމެނޭ ބޯޓުގައި ޗައިނާގެ ތިން ސިޓީން ހަފުތާއަކު 792 ފަތުރުވެރިން އަދި އަހަރަކު 40،000 އަށްވުރެ ގިނަ ފަތުރުވެރިން ރާއްޖެ ގެނެވޭނެއެވެ. ޗައިނާގެ ފަތުރުވެެރިން އެންމެ ގިނައިން ރާއްޖެ އަންނަނީ ޗައިނީސް ނިއުއިޔާ ފާހަގަކުރުމަށެވެ.  

ކިޔުންތެރިންގެ ހިޔާލު