"އާދެ! އަޅުގަނޑު އަސްލު ހަޤީޤަތުގައި ޤަބޫލެއްނުކުރަން ރާއްޖޭގައި މިއަދު އިދިކޮޅު ފަރާތްތަކެއް ނޫނީ އިދިކޮޅު ޕާޓީއެއް އޮތް ކަމަކަށް. ޒިންމާދާރު ކަމާއެކީގައި މަލްޓިޕާޓީ ސިސްޓަމެއްގެ ތެރެއިން ސަރުކާރެއް ޖަވާބުދާރީކުރުވަން ޖެހޭ ގޮތަކަށް އެއްވެސް ކަމެއް ކުރާ މަންޒަރެއް އަޅުގަނޑުމެންނަކަށް ހަޤީޤަތުގައި މިއަދު ތިބި އިދިކޮޅު ފަރާތްތައް ގޮތުގައި ވާހަކަ ދައްކާ ނުވަތަ ވަކާލާތުކުރާ ފަރާތްތަކުން އެކަހަލަ އެއްވެސް ކަމެއް ކުރާތަނެއް މިއަދު އަޅުގަނޑުމެންނަކަށް ނުފެނޭ ހަޤީޤަތުގައި. ޒިންމާދާރު ކަމާއެކީގައި އޮޕޮޒިޝަންއެއްގެ ގޮތުގައި ހަރަކާތްތެރި ވުމަކީ އަޅުގަނޑު ޤަބޫލުކުރާ ގޮތުގައި ޤައުމުގެ މަޞްލަޙަތު ނަގާލުމެއް ނޫން. ނޫނީ ރައްޔިތުންނަށް ފައިދާ ހުރި ކަންތައްތަކެއް ކުރަން ފެށީމާ އެކަންތައްތައް އޮޅުވާލުމެއް ނޫން. " - މެމްބަރު އައިފާން

"ރައީސް ޑރ. މުހައްމަދު މުޢިއްޒު ވެރިކަމަށް ހޮވުނުތާ ކައިރީގައި، އޭރުގެ އެމްޑީޕީގެ ސުޕާރ މެޖޯރިޓީ މަޖިލީހެއް އޮތީ. މި މަޖިލިސް ބޭނުންކޮށްގެންވެސް ބެލީ ސަރުކާރު ޖަވާބުދާރީ ކުރުމުގެ ބަދަލުގައި ސަރުކާރަށް ޖެއްސުންކުރުމަށް. މިސާލަކަށް ރައީސް ޑރ. މުޢިއްޒުގެ ކެބިނެޓަށް ރުހުން ނުދޭން މަސައްކަތްކުރުން. އަދި އެއްބައި ވަޒީރުންނަށް ރުހުން ނުދިނުން. އޭގެ އިތުރުން އެއްބައި ވަޒީރުންގެ ނޯ ކޮންފިޑެންސް ނެގި މަންޒަރުވެސް އަޅުގަނޑުމެންނަށް ފެނިގެން ދިޔަ. އަދި އެއަށްވުރެ ބޮޑަށް ޤާނޫނީ ވެރިކަމެއް މަޖިލިސް ތެރެއިން ނިންމާލަންވެގެން ކުރި މަސައްކަތް ވެސް ފެނިގެން ދިޔަ. މި އެއްނޫން ދެއްތޯ އެމްޑީޕީއަށް ރައްޔިތުން ސުޕާރ މެޖޯރިޓީ ދިން ސަބަބަކީ. އެކަން އަޅުގަނޑުމެންނަށް އެނގިގެން ދިޔަ 20 ވަނަ މަޖިލީހުގައި ރައްޔިތުން ބޮޑު އަޤްލަބިއްޔަތަކުން ޕީއެންސީއަށް ޑރ. މުހައްމަދު މުޢިއްޒަށް އިތުބާރުކޮށްފައި މެޖޯރިޓީ ދިނީމަ. " - މެމްބަރު އައިފާން