މ.ދިއްގަރު އައުޓްޑޯ ޖިމް ހަރުކުރުމުގެ އަމަލީ މަސައްކަތް ނިމިފައިވާކަމަށް އެމްޓީސީސީން ބުނެފިއެވެ.

އައުޓްޑޯ ޖިމް ގާއިމްކުރުމުގެ މަޝްރޫއަކީ ރައިސުލްޖުމްހޫރިއްޔާގެ ޑރ. މުހައްމަދު މުއިޒްގެ ވައުދުފުޅެއް ކަމުން ދެ އަހަރުތެރޭ އައުޓްޑޯ ޖިމެއް ހުރިހާ ރަށެއްގައި ގާއިމްކުރުމުގެ މަސައްކަތް މިހާރު ވަނީ ފަށާފައެވެ. އެގޮތުން ބައެއް ރަށް ރަށުގައި އައުޓުޑޯ ޖިމް ނިމި އާންމުނަށް ބޭނުން ކުރުމަށް ވަނީ ހުޅުވާލާފައެވެ.

ރައިސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ހަށިހެޔޮކަމާ ބެހޭ ވަޒީރު ޢަބްދުﷲ ރާފިއު ވަނީ އައުޓްޑޯ ޖިމް އަދި ފިޓްނެސް ސެންޓަރުގެ އަދާހަމަ ވަނީ ހިއްސާކުރައްވާފައެވެ.

ވަޒީރު ވިދާޅުވިގޮތުގައި އައުޓުޑޯ ޖިމް ގާއިމްކުރާ އަދަދު 186 އަރާފައިވާއިރު 15 އައުޓްޑޯ ޖިމްގެ މަސައްކަތް މިހާރުވަނީ އެއްކޮށް ނިންމާލާފައެވެ. 

އެމްޓީސީސީއާ ގުޅިގެން ސަރުކާރުން އަންނަނީ ގިނަ އަދަދެއްގެ މަޝްރޫއު ކުރިއަށް ގެންދަމުންނެވެ. އެގޮތުން ސަރުކާރުގެ އަމާޒަކީ މި އަހަރުގެ ނިޔަލަށް އައުޓްޑޯ ޖިމް ގާއިމްކުރުމުގެ މަޝްރޫއުގެ ބޮޑު ބައެއް ނިންމާލުމެވެ.