ENGLISH

30 އޯގަސްޓު 2025

Advertisement

އައިޓީއެފް ޖޫނިއާ އޯޕަން ޓެނިސް މުބާރާތް މާދަމާ ފަށަނީ

15 އޯގަސްޓު 2025

|

މުޙައްމަދު އަދުހަމް

މިދިޔަ އަހަރު ބޭއްވީ ޖޫނިއާ ޓެނިސް މުބާރާތުގައި ރާއްޖޭގެ އާރާ ކުޅެނީ. ފޮޓޯ: ޓެނިސް އެސޯސިއޭޝަން އޮފް މޯލްޑިވްސް

އިންޓަރނޭޝަނަލް ޓެނިސް ފެޑެރޭޝަން (އައިޓީއެފް) އާއި ރާއްޖޭގެ ޓެނިސް އެސޯސިއޭޝަން (ޓީއޭއެމް) ގުޅިގެން ބާއްވާ، "އައިޓީއެފް ޖޭ30" ޓެނިސް މުބާރާތް މާދަމާ ފަށާނެ އެވެ.

މި މަހުގެ 16 އިން 30 ގެ ނިޔަލަށް މާލޭ ޓެނިސް ކޯޓުގައި ކުރިއަށްދާ މުބާރާތުގައި ރާއްޖޭ ހިމެނޭ ގޮތަށް މުޅިއެކު 24 ޤައުމަކުން ވާދަކުރާނެ އެވެ.

އެގޮތުން، މި މުބާރާތުގައި ވާދަކުރާ ޤައުމުތަކުގެ ތެރޭގައި؛ ޖަޕާން، ޗައިނާ، ދެކުނު ކޮރެއާ، ސްވިޒަލެންޑް، މިސްރު، އިންޑިއާ، ސްޕެއިން، އޮސްޓްރޭލިއާ، ތައިލެންޑް، ހޮންގކޮންގ، ޕާކިސްތާން، އެމެރިކާ އާއި ރަޝިއާގެ އިތުރުން ފްރާންސާއި އިންގްލެންޑް އަދި އިޓަލީ ހިމެނެއެވެ.

މި މުބާރާތުގެ ފިރިހެން ޑިވިޝަނުގައި ރާއްޖޭގެ އަށް ކުޅުންތެރިއަކު ވާދަކުރާއިރު، އަންހެން ޑިވިޝަނުގައި 12 ކުޅުންތެރިން ބައިވެރިވެފައިވާ ކަމަށް ޓީއޭއެމުން ވަނީ ބުނެފައެވެ.

ރާއްޖޭގައި އެންމެފަހުން ބޭއްވީ ޖޫނިއާ ދެ މުބާރާތް ކަމަށްވާ، އޭޓީއެފް މޯލްޑިވްސް އޯޕަން އާއި އޭޓީއެފް މޯލްޑިވްސް ޖޫނިއާ އޯޕަންގައި ދިވެހި ކުޅުންތެރިން ވަނީ ރަނގަޅު ކާމިޔާބީއެއް ހާސިލްކޮށްފައެވެ.

ކިޔުންތެރިންގެ ހިޔާލު