ENGLISH

30 އޯގަސްޓު 2025

Advertisement

ކުޅިވަރުގެ ކާމިޔާބީތައް އަރުޝީފުކުރެވިގެންދިއުމުން އަންނަން އޮތް ޖީލުތަކަށް އޭގެ ފައިދާކުރާނެ: ރާފިޢު

25 ޖުލައި 2025

|

މުޙައްމަދު އަދުހަމް

ކުރީގެ ކުޅިވަރު ވަޒީރުންގެ ޚިދުމަތުގެ އަގުވަޒަންކުރުމާއި، ކާމިޔާބީތައް އަރުޝީފުކުރުމަށް ބޭއްވި ރަސްމިއްޔާތުގެ ތެރެއިން. ފޮޓޯ: ކުޅިވަރާއި ހަށިހެޔޮކަމާ ބެހޭ ވުޒާރާ

ކުރީގެ އެތުލީޓުންނާއި ކުޅިވަރުގެ ޚިދުމަތްތެރިން މާޒީގައި ކޮށްދެއްވާފައިވާ މަސައްކަތްތަކުގެ އިތުރުން އެކި ގޮތްގޮތުން ރާއްޖެ އަށް އެ ބޭފުޅުން ހޯއްދަވައިދެއްވާފައިވާ ކާމިޔާބީތައް އަރުޝީފުކުރެވިގެންދިއުމުން އަންނަން އޮތް ޖީލުތަކަށް އެކަމުގެ ފައިދާކުރާނެ ކަމަށާއި، އެއީ ވަރަށް މުހިއްމު ކަމެއް ކަމަށް ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.

ވަޒީރު މިހެން ވިދާޅުވީ، މީރުމާ ހޮޓެލްގައި ރޭ ބޭއްވި "ކުޅިވަރު ވަޒީރުންގެ އަގުވަޒަންކުރުމާއި ކާމިޔާބީ އަރުޝީފުކުރަން ފެށުމުގެ ރަސްމިއްޔާތު" ގެ ތެރެއިން ދެއްކެވި ވާހަކަފުޅުގައެވެ.

ވަޒީރު ރާފިޢު ވިދާޅުވީ، ކުޅިވަރަކީ އެންމެންގެ މެދުގައި އެކުވެރިކަމާއި އެއްބައިވަންތަކަމުގެ އިތުރުން އަޅުގަނޑުމެންގެ މާހައުލަށް އުފާވެރިކަން ގެނެސްދޭ ވަސީލަތެއް ކަމަށެވެ.

"އަޅުގަނޑުމެންގެ މާޒީގައި އަޅުގަނޑުމެންނަށް ލިބިފައިހުރި ކާމިޔާބީތަކާއި، އެ ކާމިޔާބީތައް އަޅުގަނޑުމެންނަށް ހާސިލްކުރެވުނީ ކޮން ކޮން ކަމެއް ކޮށްގެން ކަމާއި، އަދި އެ ހާސިލްކުރެއްވީ ކޮން ކޮން ބޭފުޅުންނެއްކަން އެނގިގެން އަޅުގަނޑުމެންނަށް އެކަމުގެ އަގުވަޒަންކުރެވޭނީ،" ވަޒީރު ވިދާޅުވިއެވެ.

އެހެންކަމުން، އެ ބޭފުޅުންގެ ނަންފުޅުތަކާއި، ކުރައްވާފައިހުރި ޚިދުމަތްތަކާއި ރާއްޖެ އަށް ހޯއްދަވައިދެއްވާފައިހުރި ރީތިނަން އަޅުގަނޑުމެން، އަޅުގަނޑުމެންގެ އަންނަން އޮތް ޖީލުތަކަށް ވާސިލްކޮށްދެވެން އަންނަނީ އެ ހުރިހާ ކަމެއް އަޅުގަނޑުމެންގެ ސިސްޓަމްގެ ތެރޭގައި ފެންނަންހުރެގެން ކަމަށް ވެސް ވަޒީރު ވަނީ ވިދާޅުވެފައެވެ.

ވަޒީރު ވިދާޅުވީ، ކުޅިވަރުގެ ކާމިޔާބީތައް އަރުޝީފުކުރެވިގެންދިއުމުގެ ސަބަބުން ކުރީގެ ކާމިޔާބީތަކުން ހިތްވަރު ލިބި، އިތުރަށް ރަނގަޅުކުރަން ޖެހޭ ކަންކަން ދެނެގަނެ، އަޅަންޖެހޭ ފިޔަވަޅުތައް އެޅުމަށްފަހު، ކުޅިވަރުގެ މައިދާނުގައި އިތުރު ކާމިޔާބީތައް ހާސިލްކުރުމަށް މަގުފަހިވެގެންދާނީ ރިފަރެންސެއްގެ ގޮތުގައި އެކަންކަން އޮވެގެން ކަމަށެވެ.

ކުޅިވަރު ވުޒާރާއިން އިސް ނަގައިގެން ވަޒީރުންގެ ޚިދުމަތުގެ އަގުވަޒަންކުރުމާއި، ކުރީގެ އެތުލީޓުންގެ ކުޅިވަރު ކާމިޔާބީތައް އަރުޝީފުކުރުމަކީ މި ސަރުކާރުން ފެއްޓެވި މުހިންމު މަސައްކަތެކެވެ. މިއީ ރާއްޖޭގައި މިފަދަ މަސައްކަތެއް ކުރެވިގެންދާ ފުރަތަމަ ފަހަރެވެ.

ކިޔުންތެރިންގެ ހިޔާލު