ENGLISH
30 އޯގަސްޓު 2025
17 އަހަރުން ދަށުގެ ސާފް މުބާރާތުގައި ރާއްޖެ، އިންޑިއާ އާއި ޕާކިސްތާން އެއް ގްރޫޕަކަށް
20 ޖުލައި 2025
|
ރާއްޖޭގެ ޒުވާން ޓީމު މީގެކުރީން ކުޅުނު މެޗެއްގެ ކުރީން ފޮޓޯއަކަށް ހުއްޓިގެން. --ފޮޓޯ: ކުޅިވަރާއި ހަށިހެޔޮކަމާ ބެހޭ ވުޒާރާ
ސަތާރަ އަހަރުން ދަށުގެ ސާފް ޗެމްޕިއަންޝިޕްގައި ދިވެހިރާއްޖެ އާއި އިންޑިއާގެ އިތުރުން ޕާކިސްތާން އެއް ގްރޫޕެއްގައި ހިމެނިއްޖެއެވެ.
އަންނަ ސެޕްޓެންބަރު މަހުގެ 15 އިން 27 ގެ ނިޔަލަށް މި މުބާރާތް ކުރިއަށްދާނީ ސްރީ ލަންކާގެ ކޮލޮމްބޯ ގައެވެ.
ދެކުނު އޭޝިއާ ސަރަހައްދުގެ ޤައުމުތަކުގައި ކުޅެމުން އަންނަ 17 އަހަރުން ދަށުގެ އުމުރުފުރައިގެ މުބާރާތުގައި ރާއްޖެ ހިމެނުނު ގްރޫޕް ބީ ގައި ދެން އޮތީ ބޫޓާނެވެ.
މި މުބާރާތުގައި ދެކުނު އޭޝިއާ ސަރަހައްދުން މުޅިއެކު ހަތް ޤައުމު ވާދަކުރެއެވެ. މި ޓީމުތައް ދެ ގްރޫޕަކަށް ބަހާލާފައިވާއިރު، ގްރޫޕް އޭ ގައި ހިމެނެނީ؛ ސްރީ ލަންކާ އާއި ބަންގްލަދޭޝް އަދި ނޭޕާލް އެވެ.
މިއީ 17 އަހަރުން ދަށަށް ހާއްސަކޮށް މުބާރާތް ބާއްވާ ތިންވަނަ ފަހަރެވެ. މީގެކުރީން ބޭއްވީ ދެ ފަހަރު ވެސް ޗެމްޕިއަންކަން ހޯދާފައިވަނީ އިންޑިއާ އެވެ.