ENGLISH
30 އޯގަސްޓު 2025
ކާވާ ޗެމްޕިއަންސް ލީގު: ޒައިކް އަތުން ސިފައިން މޮޅެއްނުވި
18 ޖުލައި 2025
|
މުބާރާތުގައި ސިފައިންނާ ދެކޮޅަށް ޒައިކް ވީސީ ކުޅުނު މެޗުގެ ތެރެއިން. ފޮޓޯ: ކާވާ
މިހާރު ކުރިއަށްދާ ކާވާ މެންސް ޗެމްޕިއަންސް ލީގުގައި މިއަދު ހަވީރު ކުޅުނު މެޗުގައި ކަޒަކިސްތާންގެ ޒައިކް ވީސީ އަތުން ރާއްޖޭގެ ދިވެހި ސިފައިންގެ ކްލަބު ބަލިވެއްޖެއެވެ.
މިއީ މި މުބާރާތުގައި އެ ޓީމު ކުޅުނު ދެވަނަ މެޗެވެ. ފުރަތަމަ މެޗުގައި ނޭޕާލްގެ ހެލްޕް ނޭޕާލް ސްޕޯޓްސް ކްލަބު އަތުން ބަލިވީ 3-2 ސެޓުންނެވެ.
ޒުވާނުންގެ މަރުކަޒު އެތެރޭ ކޯޓުގައި ކުޅުނު މެޗުގައި ޒައިކް ވީސީ މޮޅުވީ ސީދާ ތިން ސެޓުންނެވެ.
މެޗުގެ ސެޓުތައް ޒައިކް ވީސީ ގެންދިޔައީ، 25-17، 25-22 އަދި 25-15 އިންނެވެ.
މިއީ މުބާރާތުގައި ޒައިކް ވީސީ ކުޅުނު ދެވަނަ މެޗެވެ. އެ ޓީމު ވަނީ ދެ މެޗު ވެސް ކާމިޔާބުކޮށްފައެވެ.
މުބާރާތުގައި މިއަދު ކުޅުނު އަނެއް މެޗުގައި ކިރްގިސްތާންގެ ބިޝްކެކް ވަނީ 3-1 ސެޓުން ސްރީ ލަންކާގެ ޕޯޓްސް އެތޯރިޓީ ޓީމު ބަލިކޮށްފައެވެ. މި މެޗުގެ ސެޓުތައް ބިޝްކެކް ގެންދިޔައީ، 25-22، 25-20، އާއި 23-25، އަދި 25-20 އިންނެވެ.
މުޅިއެކު ހަ ޓީމު ވާދަކުރާ މި މުބާރާތުގެ ކުޅުން ކުރިއަށްދާނީ މި މަހުގެ 17 އިން 23 ގެ ނިޔަލަށެވެ.
މި މުބާރާތުގައި ވާދަކުރާ ޓީމުތަކަކީ؛ ރާއްޖޭގެ އެންމެ ވަރުގަދަ ދެ ޓީމު ކަމަށްވާ، އެޗްޑީސީ އާއި ދިވެހި ސިފައިންގެ ކްލަބުގެ އިތުރުން ކިރްގިސްތާންގެ ބިޝްކެކް، ނޭޕާލްގެ ހެލްޕް ނޭޕާލް ސްޕޯޓްސް ކްލަބާއި، ލަންކާގެ ޕޯޓްސް އޮތޯރިޓީ އަދި ކަޒަކިސްތާންގެ ޒައިކް އެވެ.