ENGLISH

30 އޯގަސްޓު 2025

Advertisement

މޯލްޑިވްސް ރިޒޯޓު ވޮލީ ލީގުގެ ނޯތު މާލެ ލީގު ފެށުން ނައިބު ރައީސް ޝަރަފުވެރިކޮށްދެއްވައިފި

14 ޖުލައި 2025

|

ހަސަން އާމިރު

"މޯލްޑިވްސް ރިޒޯޓު ވޮލީ ލީގު 2025" ގެ ނޯތު މާލެ ލީގް ފެށުމުގެ ރަސްމިއްޔާތު ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް، ޝަރަފުވެރިކޮށްދެއްވައިފިއެވެ.

މި ރަސްމިއްޔާތަށް ވަޑައިގަތުމުން އެމަނިކުފާނަށް މަރުޙަބާ ދެންނެވީ ވޮލީބޯލް އެކަޑަމީ އޮފް މޯލްޑިވްސްގެ ރައީސް މުޙައްމަދު ޝާފީއެވެ.

މި ރަސްމިއްޔާތުގައި ރައީސުލްޖުމްހޫރިއްޔާގެ ނައިބު ވަނީ، "މޯލްޑިވްސް ރިޒޯޓު ވޮލީ ލީގް 2025" ގެ ނޯތު މާލެ ލީގުގެ ފުރަތަމަ މެޗު ކުޅޭ ދެ ޓީމުގެ ކުޅުންތެރިންނާ ސަލާމްކުރައްވައި ހިތްވަރު ދެއްވާފައެވެ. "މޯލްޑިވްސް ރިޒޯޓު ވޮލީ ލީގު 2025" ގެ ނޯތު މާލެ ލީގުގެ ފުރަތަމަ މެޗުގައި، މީރު އައިލެންޑް ރިޒޯޓާއި ވަން އެންޑް އޮންލީގެ ޓީމު ބައްދަލުކުރި މެޗު، 3-0 ސެޓުން ކާމިޔާބުކުރީ ވަން އެންޑް އޮންލީގެ ޓީމެވެ.

މި ރަސްމިއްޔާތުގައި، ރައީސުލްޖުމްހޫރިއްޔާގެ ނައިބު ވަނީ "މޯލްޑިވްސް ރިޒޯޓު ވޮލީ ލީގު 2025" ގެ ނޯތު މާލެ ލީގު ފުރަތަމަ މެޗުގެ މޮޅު ކުޅުންތެރިޔާއަށް ޓްރޮފީ ޙަވާލުކޮށްދެއްވާފައެވެ.

"މޯލްޑިވްސް ރިޒޯޓު ވޮލީ ލީގު" އަކީ ދިވެހިރާއްޖޭގެ ރިޒޯޓުތަކުގައި މަސައްކަތް ކުރާ މުވައްޒަފުންގެ މެދުގައި އެކުވެރިކަން ދިރުވައި، އާލާކޮށް، ދުޅަހެޔޮ ކަމާއި ހަށިހެޔޮކަން އިތުރު ކުރުމާއި މުވައްޒަފުންގެ ކިބައިގައި ވޮލީބޯޅަ ކުޅުމުގެ ހުނަރު އިތުރުކުރުމުގެ މަޤްޞަދުގައި ވޮލީބޯލް އެކަޑަމީއިން އިސްނަގައިގެން އިންތިޒާމު ކުރާ މުބާރާތެކެވެ. މި އަހަރުގެ މުބާރާތް ކުރިއަށް ދާނީ ހަތަރު ޒޯނެއްގައެވެ. މި މުބާރާތުގައި 17 ރިޒޯޓަކުން ވާދަކުރެއެވެ.

ކިޔުންތެރިންގެ ހިޔާލު