ENGLISH
05 ޖުލައި 2026
Advertisement
ތަރިކައާއި ބެހޭ ވުޒާރާ އިޝްތިހާރުކޮށް، ދެ އަހަރު ދުވަހަށް ޕީއާރު ހިންގާނެ ބަޔަކު ހޯދަނީ
05 ޖުލައި 2026
|
ގައުމީ ދާރުލްއާސާރު - ފޮޓޯ: ޓްރެވަލް
އެންމެ މަޤްބޫލު
ދެ އަހަރު ދުވަހުގެ މުއްދަތަކަށް ފަންނާއި ސަގާފަތާއި ތަރިކައާ ބެހޭ ވުޒާރާ އިޝްތިހާރުކޮށް، އެ ތަނުގެ ޕަބްލިކް ރިލޭޝަންސް (ޕީއާރު) ހިންގާނެ ބަޔަކު ހޯދަން މިއަދު އިއުލާންކޮށްފިއެވެ.
އެ ވުޒާރާއިން ކޮށްފައިވާ އިއުލާނުގައި ބުނެފައިވަނީ، އެ ވުޒާރާގެ ދަށުން ހިންގާ ހުރިހާ އިދާރާތަކެއްގެ ޕީއާރާއި މީޑިއާ މަސައްކަތްކުރުމަށް ބޭނުންވާ ފަރާތްތަކަށް އެ ފުރުސަތު ހުޅުވާލާފައިވާ ކަމަށެވެ. އެގޮތުން އެކަމަށް ޝައުގުވެރިވާ ފަރާތްތަކުން އަންދާސީ ހިސާބުތައް މިމަހުގެ 14 ވަނަ ދުވަހުގެ މެންދުރު 11:30 ގެ ކުރިން ހުށަހެޅުމަށް އެދިފައިވެއެވެ.
އިތުރަށް އިއުލާނުގައިވާ ގޮތުން އެ ވުޒާރާގެ އިތުރުން އެ ވުޒާރާގެ ދަށުގައިވާ ހަތް އިދާރާއެއްގެ އިތުރުންވުޒާރާގެ މަަސައްކަތްތަކާއި ޕްރޮޖެކްޓްތައް ހިންގާ ފަރާތްތަކުގެ ޕީއާރު ވެސް ހިންގައިދޭން ޖެހެއެވެ.
ޕީއާރު ހަދައިދޭންޖެހޭ އިދާރާތައް:
- ނެޝަނަލް ސެންޓާ ފޮ ދަ އާޓްސް (އެންސީއޭ)
- ނެޝަނަލް ސެންޓާ ފޮ ދަ ކަލްޗުރަލް ހެރިޓޭޖް (އެންސީސީއެޗު)
- ދިވެހި ބަހުގެ އެކަޑަމީ
- ނެޝަނަލް ބިއުރޯ އޮފް ކްލާޝިފިކޭޝަން (އެންބީއެޗު)
- ނެޝަނަލް އާކައިވްސް (ގައުމީ އަރުޝީފު)
- ނެޝަނަލް ލައިބްރަރީ (ގައުމީ ކުތުބުހާނާ)
ޕީއާރު މަސައްކަތްތަކާ ހަވާލުވާ ކުންފުނީގެ ޒިއްމާތައް:
- ވުޒާރާގެ ހަރަކާތްތަކާއި ސިޔާސަތުތަކާއި ކާމިޔާބީތަކާ ބެހޭގޮތުން އާންމުން ހޭލުންތެރިކުރުން
- ހުރިހާ އިދާރާތަކުގެ ބްރޭންޑިން އެއްގޮތްކޮށްގެން ގެންދާނެ ގޮތުގެ މާކެޓިން އަދި ޕީއާރު ސްޓްރެޓެޖީއެއް އެކުލަވާލުން
- ކޮމިއުކޭޝަން ހިންގާނެ ގޮތުގެ ލަފާ މިނިސްޓްރީގެ ލީޑާޝިޕަށް ދިނުމާއި އޭގެ ޕްލޭންތައް ހިންގައިދިނުން
- މީޑިއާތަކާއި ނޫސްތަކާ އެކު ގުޅުން ބަދަހިކުރުމާއި މީޑިއާތަކުގެ ސުވާލުތަކަށް ޖަވާބުދާރީވުމާއި ނޫސްވެރިންގެ ބައްދަލުވުންތައް ހިމެނޭ ގޮތަށް ޕީއާރު އިވެންޓްތައް އިންތިޒާމުކޮށް ހިންގުން
- ވުޒާރާގެ ވެބްސައިޓާއި ސޯޝަލް މީޑިއާ ހޭންޑަލްތަކަށް ކޮންޓެންޓް އުފެއްދުމާއި ގިނަ މީހުންނަށް ކޮންޓެންޓް ވާސިލްކުރުމަށް މަސައްކަތްކޮށްދިނުން
