މާލެ ރަށްވެހީންގެ ޖަމިއްޔާއާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ބައްދަލު ކުރައްވައިފި އެވެ.

އެ ޖަމިއްޔާއިން ބުނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މުލީއާގޭގައި އއ ޖަމިއްޔާއާ ބައްދަލުކުރައްވާފައިވާ ކަމަށެވެ.

މި ބައްދަލު ކުރެއްވުމުގައި ހުޅުމާލެ، ގުޅީފަޅު، ގިރާވަރުފަޅު އަދި ރަސްމާލޭގެ ތަރައްގީ އާއި މެދު މުހިއްމު މަޝްވަރާތަކެއް ކުރެވިފައިވާ ކަމަށް ވެސް ބުންޏެވެ.

މިއަދުގެ ބައްދަލްވުމުގައި މާލެ ސިޓީގެ މޭޔަރު ކަމަށް ވާދަކުރައްވާ މޫސާ އަލީ ޖަލީލާއި މާލެ ސިޓީގެ ޑެޕިއުޓީ މޭޔަރު އަރީޝް ބައިވެރިވެވަޑައިގަތެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންދަވަނީ އެކިއެކި ޖަމިއްޔާތަކާއި އެ ނޫންވެސް އެކި މޫވްމަންޓްތަކާއި ބައްދަލު ކުރައްވާ ޝަކުވާތަކާއި ކަންބޮޑުވުންތައް އަޑުއައްސަވަމުންނެވެ.

ރައްޔިތުންނާއި ކައުންސިލްތަކާއި ވެސް އެމަނިކުފާނު ގެންދަވަނީ ބައްދަލު ކުރައްވަމުންނެވެ.