އއ. ރަސްދޫގައި ތަރައްގީކުރަމުންދާ ހޮސްޕިޓަލުގެ މަސައްކަތްތަކުގެ ތެރެއިން މިހާރު ކުރިއަށްދަނީ ފެންސް ޖެހުމުގެ މަސައްކަތާއި، ސައިޓް ސާފު ކުރުމުގެ މަސައްކަތް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.

އެމްޓީސީސީ އިން ބުނީ، މަސައްކަތުގެ ސައިޓުގައި ހުރި ގަސްތައް އެހެން ސަރަހައްދަކަށް ބަދަލުކުރުމުގެ މަސައްކަތް ވެސް ހަލުވި ސްޕީޑުގައި ކުރިއަށްދާ ކަމަށެވެ.

ރަސްދޫގައި ތަރައްގީކުރުމަށް ހަމަޖެހިފައިވާ ހޮސްޕިޓަލްގެ މަސައްކަތްކުރުމަށް އެމްޓީސީސީއާ ހަވާލުކުރީ މިދިޔަ އަހަރުގެ މާރިޗް މަހުގައެވެ.

މި މަޝްރޫޢު އެމްޓީސީސީއާ ހަވާލުކޮށްފައިވަނީ 780 ދުވަހުގެ ތެރޭގައި ނިންމާގޮތަށް 185 މިލިއަން ރުފިޔާއަށެވެ.