ENGLISH
25 ނޮވެމްބަރު 2024
ރާއްޖޭގައި މަސް ޕްރޮސެސްކުރުމުގެ ޤާބިލްކަން 9 ގުނައަށް އިތުރުވާނެ: ވަޒީރު ޝިޔާމު
23 ނޮވެމްބަރު 2024
|
މިފްކޯ މަސް ފެކްޓްރީ
އެންމެ މަޤްބޫލު
މަސްވެރިކަމުގެ ސިނާއަތް ތަރައްޤީކުރުމަށް ސަރުކާރުން ކުރަމުންދާ މަސައްކަތްތަކާ އެކު ރާއްޖޭގައި މަސް ޕްރޮސެސްކުރުމުގެ ޤާބިލްކަން ކުރިއަށް އޮތް ތިން އަހަރުތެރޭގައި ނުވަ ގުނައަށް ވުރެ އިތުރުވާނެ ކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމު ވިދާޅުވެއްޖެއެވެ.
ޕީއެސްއެމް ނިއުސްގެ ހަފްތާ 52 ޕްރޮގްރާމުގައި ވާހަކަ ދައްކަވަމުން ވަޒީރު ވިދާޅުވީ ރާއްޖޭގައި މަސް ޕްރޮސެސްކުރުމުގެ ޤާބިލްކަން އިތުރުކުރުމަށް ކުރަމުންދާ މަސައްކަތްތަކުން، 35 ޓަނުން 300 ޓަނަށް އިތުރުވާނެ ކަމަށެވެ.
"ފުރަތަމަ 3 އަހަރު ޕްރޮސެސިން ކެޕޭސިޓީ ހުންނާނީ 300 ޓަނުގައި، އެއީ ދެކުނުގައި ޤާއިމްކުރާ ފެސިލިޓީއާއި، ނިލަންދޫގައި ގާއިމްކުރާ ފެސިލިޓީ އަދި ފެލިވަރު ފެސިލިޓީ ވެސް 100 ޓަނަށް އިތުރުކުރުމުގެ މަސައްކަތްދަނީ ކުރެވެމުން " - ވަޒީރު އަޙުމަދު ޝިޔާމު
ސަރުކާރުން މަސައްކަތްކުރަމުންދަނީ މަސްވެރިންނަށް ފަސޭހައިން މަސް ކިރޭނެ އިންތިޒާމްތައް ވެސް ހަމަޖެއްސުމަށް ކަމަށް ވަޒީރު ވިދާޅުވިއެވެ. އަދި އައިސް ހޯދުމުގައި މަސްވެރިންނަށް ކުރިމަތިވާ ދަތިތަކަށް ވެސް ހައްލު ހޯދާދިނުމަށް ސަރުކާރުން ގިނަ މަސައްކަތްތަކެއް ކުރަމުންދާކަން ވެސް ވަޒީރު ޝިޔާމު ފާހަގަކުރެއްވިއެވެ.
"11 އައިސްޕްލާންޓެއް ގާއިމްކުރުމުގެ މަސައްކަތްވަނީ ފެށިފައި، މިއަހަރު 3 އައިސްޕްލާންޓެއްގެ އަމަލީ މަސައްކަތް ފެށޭނެ، އިތުރު ފަސް އައިސްޕްލާންޓު ސައުދީ ފަންޑުން، އަދި ތިން އައިސްޕްލާންޓު ބަޖެޓުގައި ހިމެނިގެން ކުރިއަށްދާނެ " - ވަޒީރު އަޙުމަދު ޝިޔާމު
މީގެއިތުރުން، މަސްވެރިންނަށް ޒަމާނީ ވަސީލަތްތައް ފަސޭހައިން ލިބޭނެ އިންތިޒާމުތައް ވެސް ހަމަޖެއްސުމަށް ސަރުކާރުން އިސްކަންދެއްވާކަމަށް ވަޒީރު ވިދާޅުވިއެވެ. އެގޮތުން ލޮނު ފެނުން މަސް ފިނިކުރާ ނިޒާމުތައް މަސް ދޯނިތަކުގައި ގާއިމްކުރުމުގެ މަސައްކަތަށް ޚާއްސަ ލޯނެއް ދޫކުރުމަށް ހުޅުވާލާފައިވާކަމަށާއި، މި ފެސިލީޓީގެ ދަށުން 35 ފަރާތަށްވުރެ ގިނަ ފަރާތަށް މިއަހަރު ލޯނު ހަމަޖެހޭނެ ކަމަށް ވެސް ވަޒީރު ޝިޔާމު ވިދާޅުވިއެވެ.
