ENGLISH

31 އޯގަސްޓު 2025

Advertisement

އިންތިޒާރަށް ނިމުން: "ލޯބިން" ގެ ޓިކެޓް ވިއްކަން ފަށައިފި، ފުރަތަމަ ޝޯ ފުރިއްޖެ

28 ޖުލައި 2025

|

އަޙުމަދު ޙަމީދު

ލޯބިން ފިލްމުގެ ޓިކެޓް ވިއްކަން ވަނީ ފަށާފައި --

ޒުވާން ޑައިރެކްޓަރު އިލްޔާސް ވަހީދު (އިއްލެ) ގެ އާ ފިލްމު "ލޯބިން" ގެ ޓިކެޓް ވިއްކަން ފަށައިފި އެވެ.

އަންނަ މަހުގެ ހަވަނަ ދުވަހު އޮލިމްޕަހުގައި ޕްރިމިއާ ކުރަން ހަމަޖެހިފައިވާ ފިލްމުގެ ޓިކެޓް ވިއްކަން ފަށާފައިވާއިރު މިހާރު ވަނީ ޕްރިމިއާ ޝޯގެ ޓިކެޓް ވިކި ހުސްވެފަ އެވެ. ޓިކެޓް ހޯދުމަށް 7242555 އަށް ގުޅުމަށް ޕްރޮޑަކްޝަން ޓީމުން އެދެ އެވެ. އޮލިމްޕަހުގެ ޓިކެޓް ކައުންޓަރުން ވެސް ޓިކެޓް ވިއްކަމުންދެ އެވެ.

މި އަހަރު ސިނަމާއަށް އަންނާނެ އެންމެ ރީތި އެއް ފިލްމުގެ ގޮތުގައި ގިނަ ބަޔަކު ދެކޭ "ލޯބިން" ގެ ޕްރޮމޯޝަން މަސައްކަތް ބާރު ސްޕީޑްގައި ދަނީ ކުރިއަށެވެ. ފިލްމުގެ ޓީޒާއާ އޮފިޝަލް ޕޯސްޓަރު ވަނީ ލޯންޗު ކޮށްފަ އެވެ.

އަދި ފިލްމު ޕްރޮމޯޓް ކުރުމަށް ހާއްސަކޮށް ހަދާފައިވާ ލަވަ ވެސް މިހާރު ވަނީ އާންމުންނާއި ހަމައަށް ދޫކޮށްލާފަ އެވެ.

މީގެ އިތުރުން ފިލްމުގެ ޓްރެއިލާ ވެސް ވަނީ ދައްކާލާފަ އެވެ. ޓްރެއިލާ އިން ފިލްމާމެދު ކުރެވޭ އުންމީދު ވަނީ ވަރަށް ބޮޑުވެފަ އެވެ. މިއީ ދިވެހި ސިނަމާއަށް ވަރަށް ކަމުދާނެ މޮޅު ފިލްމަކަށް ވާނެ ކަމަށް ބެލެވެ އެވެ.

އިއްލެ ލިޔެ، ޑައިރެކްޓް ކޮށްފައިވާ ރޮމޭންޓިކް ތުރިލާ ގަައި މުހިންމު ރޯލުތަކުން ފެނިގެންދާނީ އަހުމަދު ޝާރިފާއި ތާތި އާދަމްގެ އިތުރުން އޭނަގެ ފިރިމީހާ އިފްނާޒް ފިރާގެވެ. މީގެ އިތުރުން ނުޒުހަތު ޝުއައިބު (ނުޒޫ) އާއި އަހުމަދު ޝާކިރު (ޝާއްކޮ އައްމަޑޭ) އާއި އައިމިނަތު ރަޝީދާ (އައިންތު) އަދި އައިޝަތު ގުލްފާމް ވެސް ފެނިގެންދާނެ އެވެ.

މިއީ މުޖްތަަމައުގައި ހިނގާ ނޭދެވޭ އެކި މައްސަލަތަކަށް ހޭލުންތެރިކަން އުފައްދާނެ ފިލްމެކެވެ.

ކިޔުންތެރިންގެ ހިޔާލު