ENGLISH
04 އޭޕްރީލު 2025
މި ދައުރުގައި 1000 ޒުވާން ޚަތީބުން އުފައްދަނީ
26 މާރިޗު 2025
|
ދަރިވަރަކަށް ހާފިޘު ކަމުގެ ސަނަދު ދެއްވަނީ -- ފޮޓޯ: ރައީސް އޮފީސް
އެންމެ މަޤްބޫލު
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަމުގެ މި ދައުރުގައި 1000 ޒުވާން ޚަތީބުން ތަމްރީނުކޮށް އުފައްދަވާނެ ކަމަށް އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު މިރޭ ވިދާޅުވެއްޖެ އެވެ.
"ޙާފިޘުން ދަސްވެނިވުމުގެ ރަސްމިއްޔާތު" ގައި ވާހަކަފުޅު ދައްކަވަމުން ވަޒީރު ޝަހީމް ވިދާޅުވީ ޒުވާނުންގެ ތެރޭގައި އިސްލާމް ދީނަށް ލޯބި އުފެއްދުމަށް ސަރުކާރުން ވަރަށް ބޮޑު އިސްކަމެއް ދެއްވާ ކަމަށެވެ. އެ މަސައްކަތުގެ ތެރެއިން ޙާފިޘުން އުފެއްދުމާއި އިމާމުވެ ނަމާދު ކުރާނެ ޒުވާން ޚަތީބުން އުފެއްދުމަށް ވަރަށް ބޮޑު އިސްކަމެއް ދެއްވާ ކަމަށް ވިދާޅުވި އެވެ.
ދައުރުގެ އެންމެ ކުރީކޮޅު އެންމެ ބޮޑު އިސްކަމެއް ދެއްވައިގެން ކުރެއްވި މަސައްކަތަކީ ޒުވާން ޚަތީބުން އުފެއްދުންކަން ފާހަގަ ކުރައްވާ ވަޒީރު ވިދާޅުވީ މިހާތަނަށް 250 ވުރެ ގިނަ ޒުވާން ޚަތީބުން ތަމްރީނުކޮށް ނިމިފައިވާ ކަމަށެވެ.
އެ ޒުވާނުން ހުކުރު ޚުތުބާ ކިޔާ އިމާމުވެ ހުކުރުކޮށް ތަރާވީހު ނަމާދު ކުރަމުންދާ ކަން މިނިސްޓަރު ފާހަގަ ކުރެއްވި އެވެ.
އަދި ވިދާޅުވީ އެމަނިކުފާނުގެ އަމާޒަކީ މި ދައުރު ނިމުމުގެ ކުރީން 1000 ޒުވާން ޚަތީބުން އުފެއްދުން ކަމަށް ވިދާޅުވި އެވެ. އެ އަމާޒަށް ވާސިލުވެވޭނެ ކަމުގެ ޔަގީންކަން އެބައޮތް ކަމުގައި ވެސް ވިދާޅުވި އެވެ.
ޒުވާން ޚަތީބުން ތަމްރީނު ކުރަން ފެށުމުން ވަރަށް ގިނަ ބައެއްގެ ތަޢުރީފު ސަރުކާރަށް ވަނީ ލިބިފަ ވެ އެވެ. މިއަދު މިންބަރުތަކުން ޒުވާން ޚަތީބުން ފެންނަމުން ދިއުމަކީ ގިނަ ބަޔަކަށް އުފާވެރިކަން ލިބޭ ކަމެކެވެ.