ENGLISH

04 އޭޕްރީލު 2025

Advertisement

ލަންޑަނުގެ ރޭޑިއޯއަކުން ރާއްޖެ އިސްތިހާރުކުރުމުގެ ކެމްޕޭނެއް ފަށައިފި

14 ޖެނުއަރީ 2025

|

އަހުމަދު ސައީދު

އަދާރަން މޯލްޑިވްސްގެ މީދުއްޕަރު ރިސޯޓް.

ލަންޑަނުގެ އެހުންތެރިންގެ މެދުގައި މަޤްބޫލުކަން ހޯދަމުން އަންނަ ލައިކާ ރޭޑިއޯއިން ރާއްޖެ އިސްތިހާރުކުރުމަށް އެއް މަސްދުވަހުގެ ކެމްޕޭނެއް އިއްޔެ ފަށައިފިއެވެ. 

އިނގިރޭސިވިލާތުގެ ވެރިރަށް ލަންޑަނުގެ ދެލައްކައެއްހާ މީހުން ކޮންމެ ހަފުތާއަކުވެސް އަޑުއަހާ ލައިކާ ރޭޑިޔޯއަށް މިދިޔަ އަހަރުވަނީ ލަންޑަނުގައި ޚިދުމަތްދޭ އޭޝިޔާގެ އެއްވަނަ ރޭޑިޔޯ ނެޓްވޯކްގެ މަޤާމު ލިބިފައެވެ. އަދި އޭޝިއަން މީޑިޔާ އެވޯޑްސްއިން ހޮވާ އަހަރުގެ އެންމެ މަގުބޫލު ރޭޑިޔޯއަކަށް ވެސް މިދިޔަ އަހަރު ހޮވިފައިވަނީ ލައިކާ ރޭޑިއޯއެވެ.

ލައިކާ ރޭޑިޔޯ އިން ބުނިގޮތުގައި ރާއްޖެ އިސްތިހާރު ކުރުމުގެ ކެމްޕޭނަކީ، އިނގިރޭސިވިލާތުގެ ޓްރެވަލް އެޖެންސީއެއް ކަމަށްވާ ސައުތުހޯލް ޓްރެވަލްސްއަށް 40 އަހަރު ފުރުން ފާހަގަ ކުރުމަށް ކުރިއަށް ގެންދާ ހަރަކާތެކެވެ. 

އިއްޔެ ފެށި މި ކެމްޕޭނުގައި ގްރޭޓާ ލަންޑަން، ގްރޭޓާ މެންޗެސްޓާ، އަދި ލެސްޓާގައި ލައިކާ ރޭޑިއޯ ނެޓްވޯކުން ފޮނުވާ "ޑްރައިވް ޓައިމް ޝޯ" ގެ އެހުންތެރިންގެ ތެރެއިން ހޮވޭ ތިން ފަރާތަކަށް ރާއްޖޭގައި ލަގްޒަރީ ޗުއްޓީއެއް ހޭދަކުރުމުގެ ފުރުސަތު ލިބޭނެއެވެ. އަދާރަން މޯލްޑިވްސްއިން ރާއްޖޭގައި ހިންގާ ތިން ރިސޯޓް ކަމަށްވާ ހުދުރަންފުށި، މީދުއްޕަރު އަދި ކްލަބް ރަންނާޅީގައި ޗުއްޓީހޭދަކުރުމާއި މަތިންދާބޯޓު ޓިކެޓް ލިބޭ ނަސީބުވެރިން ހޮވާނީ ޝޯގެ އެންމެ ފަހު ދުވަހު އެވެ. 

ރާއްޖޭގައި ރިސޯޓް ހިންގާ ފަރާތްތަކާއި ގުޅިގެން ރާއްޖޭގެ ފަތުރުވެރިކަން އިސްތިހާރު ކުރުމަށް ބޭރުގެ ޓްރެވަލް އެޖެންސީތަކާއި ޓުއަ އޮޕްރޭޓަރުން ވެސް ތަފާތު ކެމްޕޭނުތައް ހިންގައެވެ. 

ރާއްޖެއަށް ތިންވަނައަށް އެންމެ ގިނައިން ފަތުރުވެރިން އަންނަނީ އިނގިރޭސިވިލާތުންނެވެ.

ކިޔުންތެރިންގެ ހިޔާލު