ރާއްޖޭގެ މޫސުން ގޯސްވެ ބޮޑު ސަރަޙައްދަކަށް ސަމާލު ނެރެފި އެވެ.

މޫސުން ގޯސްވެ ސަމާލު ނެރެފައިވަނީ ހއ އަތޮޅުން ފެށިގެން މ އަތޮޅަށެވެ. މޫސުމާއި ބެހޭ ޤައުމީ އިދާރާ އިން ބުނީ މޫސުން ގޯސްވާނެ ކަމަށް ލަފާ ކުރެވޭތީ މި އަތޮޅުތަކަށް ހުދު  ސަމާލު ނެރެފައިވާ ކަމަށެވެ.

ހުދު ސަމާލު ނެރެފައިވަނީ މިއަދު ހެނދުނު 10:00 އިން ފެށިގެން ހަވީރު 4:00 އާ ހަމައަށެވެ.

މެޓުން ބުނީ މިވަގުތުތަކުގައި ބޯކޮށްވާރޭވެހި ގުގުރާނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ވެސް ވަނީ ލަފާކޮށްފަ އެވެ.

މޫސުމަށް ސަމާލުވުމަށާއި ދަތުރުކުރުމުގައި އިތުރަށް ސަމާލުވުމަށް އެ އިދާރާ އިން ވަނީ އިލްތިމާސް ކޮށްފަ އެވެ.