ENGLISH

31 އޯގަސްޓު 2025

Advertisement

"ހަފްތާ ރެސް" ކ. އަތޮޅުގައި ފަށައިގެން ކުރިއަށް، ހުރިހާ ރަށަކުން ބައިވެރިވޭ

30 އޯގަސްޓު 2025

|

ޢަލީ ޝަހީމް

ހަފްތާ ރެސް ޕްރޮގްރާމްގެ ތެރެއިން އިއްޔެ ބޭއްވި ކުޑަކުދިންގެ ހަވީރު. މިފަހަރުގެ ހަފްތާ ރެސް ހާއްސަކުރީ ކ. އަތޮޅަށް. ފޮޓޯ: ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާ

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން އިސްނަގައިގެން ކުރިއަށްގެންދާ ކ. އަތޮޅުގައި ފަށައިފިއެވެ. 

އެ ވުޒާރާއިން ހަފްތާ ރެސް ކުރިއަށްގެންދަނީ އިންފޮމޭޝަން އެންޑް އާޓްސް އާއި ނޭޝަނަލް ކައުންޓަރ ޓެރަރިޒަމް ސެންޓަރާ (އެންސީޓީސީ) ގުޅިގެންނެވެ. 

ކ. އަތޮޅަށް އަމާޒުކުރި ހަފްތާ ރެސް ޕްރޮގްރާމް ކުރިއަށްގެންދަނީ ތުލުސްދޫގައެވެ. އެ އަތޮޅުގެ ހުރިހާ ރަށަކުން ވަނީ މި ޕްރޮގްރާމްގައި ބައިވެރިވެފައެވެ. 

ތުލުސްދޫގައި ހަފްތާ ރެސް ފެށީ އޮގަސްޓް 26 ވަނަ ދުވަހެވެ. އެރަށުގައި އޮގަސްޓް 31 އާ ހަމައަށް ހަފްތާ ރެސް ކުރިއަށްދާނެއެވެ. 

ހަފްތާ ރެސް އަކީ އިޖުތިމާއީ ކަންކަމާއި ގުޅޭގޮތުން ހުރިހާ ގިންތިއެއްގެ ފަރާތްތައް ހޭލުންތެރިކޮށް މުހިއްމު މަޢުލޫމާތުތަކެއް ހިއްސާކުރުމަށް ކުރިއަށްގެންދާ ޕްރޮގްރާމެކެވެ. އެ ޕްރޮގްރާމްގައި ތަމްރީނު ދިނުމާއި، ސެޝަންތައް ކުރިއަށްގެންދިއުމާއި، ކުޑަކުދިންނާ ގުޅުންހުރި ހަރަކާތްތައް ކުރިއަށްގެންދެއެވެ. އެގޮތުން ހަފްތާ ރެސްގެ ކުޑަކުދިންގެ ހަވީރު އިއްޔެ ތުލުސްދޫގައި ވަނީ ބާއްވާފައެވެ. 

ހަފްތާ ރެސްގައި ކުރިއަށްގެންދާ ސެޝަންތަކުގެ ތެރޭގައި ލީޑަރުން ތަމްރީނުކުރުމާއި، ޒުވާނުންނަށް ޚާއްޞަ ސެޝަންތަކާއި، ސީނިއާ އެޑިއުކޭޓާސް ސެޝަންގެ އިތުރުން ބެލެނިވެރިކަން އަދި ސްކޫލް ކުދިންނަށް އަމާޒުކުރާ ޕްރޮގްރާމްތައް ހިމެނެއެވެ. 

ޕްރޮގްރާމްތައް ހިންގުމުގައި، ސެޝަންތައް ނިސްބަތްވާ ދާއިރާތަކުގެ ފެސިލިޓޭޓަރުން ބައިވެރިވެޑައިގަންނަވައެވެ. 

މިއަހަރުގެ ފުރަތަމަ ހަފްތާ ރެސް އެ ވުޒާރާއިން ކުރިއަށްގެންދިޔައީ އދ. މަހިބަދޫގައެވެ. އެ ފަހަރުގެ ޕްރޮގްރާމަށް އދ. އަތޮޅުން ބޮޑު ތަރުހީބެއް ވަނީ ލިބިފައެވެ. 

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން މިދިޔަ އަހަރު ވަނީ ހަފްތާ ރެސްގެ ތިން ޕްރޮގްރާމެއް ކުރިއަށްގެންގޮސްފައެވެ. އެގޮތުން މިދިޔަ އަހަރުގެ ހަފްތާ ރެސް ޕްރޮގްރާމްތައް ކުރިއަށްގެންދިޔައީ ހދ އަތޮޅާއި ގދ އަތޮޅުގެ އިތުރުން އައްޑޫ ސިޓީގައެވެ. 

ކިޔުންތެރިންގެ ހިޔާލު