ENGLISH

31 އޯގަސްޓު 2025

Advertisement

އެމްގެޕް ސެޓްފިކެޓް ހާސިލްކުރުމާއެކު ވަޒީރު ޑރ. މާރިޔާގެ ތައުރީފް ށ. ގޮއިދޫ ރައްޔިތުންނަށް

30 އޯގަސްޓު 2025

|

ޢަލީ ޝަހީމް

މޯލްޑިވްސް ގުޑް އެގްރިކަލްޗަރަލް ޕްރެކްޓިސަސް (އެމްގެޕް) ސެޓްފިކެޓް ށ. ގޮއިދޫން ހާސިލްކުރުމާއެކު އެރަށުގެ ރައްޔިތުންނަށް ދަނޑުވެރިކަމާއި ދިރޭތަކެއްޗާ ބެހޭ ވުޒާރާގެ ވަޒީރު ޑރ. މަރިޔަމް މާރިޔާ މަރުހަބާ ދަންނަވައި ތައުރީފްކުރައްވައިފިއެވެ. 

އެމްގެޕް ސެޓްފިކެޓަކީ ޤައުމީ ފެންވަރުގައި ކާބޯތަކެތީގެ ރައްކާތެރިކަން ހަރުދަނާކުރުމަށާއި، ދެމެހެއްޓެނިވި ދަނޑުވެރިކަމުގެ އުސޫލުތައް ކުރިއެރުވުމަށް، އަދި އުފައްދާ ކާބޯތަކެތީގެ ރައްކާތެރިކަމާއި، ފައިދާތަކާއި، ތިމާވެއްޓާ ރައްޓެހި ގޮތުގައި އުފެއްދޭކަން ކަށަވަރުކުރުމަށްޓަކައި ތަޢާރަފްކޮށްފައިވާ ސްކީމެކެވެ.

ސްކީމްގެ ދަށުން ދަނޑުވެރިކަން ކުރުމުގައި ވަށައިގެންވާ މާޙައުލާއި، އަމިއްލަ ސިއްޙަތު އަދި އުފައްދާ ތެކެތީގެ ފެންވަރު ރަގަޅުވާނެކަން ކަށަވަރުކޮށްދެއެވެ. މިގޮތުން އެމްގެޕް ލިބިފައިވާ ދަނޑުވެރިން ދަނޑު ހެއްދުމުގައި ގަސްކާނާއާއި ކެމިކަލް ބޭނުންކުރާނީ ވަކި މިންގަނޑުތަކަކަށް، ފެން ބޭނުންކުރުމުގައި އިސްރާފުވުން މަދުވާގޮތަށެވެ. 

އެމްގެޕް ސެޓިފައިޑް ދަނޑުވެރިން އުފައްދާ ތަކެއްޗަކީ ތިމާވެއްޓާ ރައްޓެހި، ކާނާ އާއި ބޭސްބޭނުންކުރުމުގައި ބޭނުންކުރަންޖެހޭ މިންގަނޑުތަކަށް ތަބާވެ، ދެމެހެއްޓެނިވި އުސޫލުތަކުން އުފައްދާފައިވާ ތަކެއްޗަށް ވާނެ ކަމުގެ ޔަޤީކަން ގަންނަ ފަރާތްތަކަށް އޮންނާނެއެވެ.

ގޮއިދޫގެ 10 ދަނޑުވެރިއަކު ވަނީ މި ސެޓްފިކެޓް ހާސިލްކޮށްފައެވެ. 

ށ. ގޮއިދޫ ދަނޑުވެރިންގެ އުފައްދާފައިވާ ތަކެތި ވަޒީރު ޑރ. މާރިޔާ ބައްލަވާލައްވަނީ. ފޮޓޯ: ދަނޑުވެރިކަމާއި ދިރޭތަކެއްޗާ ބެހޭ ވުޒާރާ

ސެޓްފިކެޓް ހަވާލުކުރުމުގެ ހާއްސަ ރަސްމިއްޔާތު މިދިޔަ ބުރާސްފަތި ދުވަހު ޝަރަފްވެރިކޮށްދެއްވައި ދެއްކެވި ވާހަކަފުޅުގައި ވަޒީރު ޑރ. މާރިޔާ ވިދާޅުވީ ގޮއިދޫ ވެގެންދާނީ ޒަމާނީ އީޖާދުތަކާއި، ދިރިއުޅުމުގެ އާދަކާދައާ ދެމެދު ހަރުދަނާ ބެލެންސެއް ޤާއިމުކުރުމުގެ ނަމޫނާ މިސާލަކަށްކަމަށެވެ. 

"މިއަދު، ގޮއިދޫ މިވެގެންދަނީ ޒަމާނީ އީޖާދުތަކާއި ދިރިއުޅުމުގެ އާދަކާދައާ ދެމެދު ހަރުދަނާ ބެލެންސެއް ޤާއިމުކުރުމުގެ ނަމޫނާ މިސާލަކަށް. މި ރަށުގެ ހުނަރުވެރި ދަނޑުވެރިން ވަނީ ކާބޯތަކެތީގެ ރައްކާތެރިކަމާއި ދެމެހެއްޓެނިވި ތިމާވެށި ޙިމާޔަތްކުރުމުގެ މިންގަނޑުތަކަށް ފެތޭގޮތަށް މަސައްކަތްކުރުމުގައި ހިތްވަރު ދައްކުވާފަ." - ވަޒީރު ޑރ. މާރިޔާ

ވަޒީރު ވިދާޅުވީ ކާމިޔާބީއަކީ ގޮއިދޫގެ ދަނޑުވެރިންގެ ޤާބިލުކަމާއި ހުނަރުވެރިކަމުގެ ހެއްކެއްކަމަށެވެ. މިއީ އެ ދަނޑުވެރިން ބަދަލުތަކަށް ހޭލުންތެރިކުރުމާއި، އީޖާދީ ގޮތްތައް އުފެއްދުމާއި، އަދި ދަނޑުވެރިކަން ފައިދާހުރި އަދި ދެމެހެއްޓެނިވި ގޮތެއްގައި ކުރެވޭނެ މުސްތަޤުބަލަކަށް ދިވެހިރާއްޖެ ވާޞިލުކުރުވުމުގައި އިސްނެގުމުގެ ޤާބިލުކަން ހުރިކަމުގެ ދަލީލެއްކަމަށް އެކަމަނާ ވިދާޅުވިއެވެ. އަދި ދަނޑުވެރިން ހިތްވަރާއި މަސައްކަތައްކަތްތެރިކަމަކީ ޤައުމުގެ ކާބޯތަކޯތަކެތީގެ ރައްކާތެރިކަމާއި އިޤްތިޞާދީ ކުރިއެރުމުގެ މައިގަނޑު ބިންގާކަމަށް ޑރ. މާރިޔާ ވިދާޅުވިއެވެ. 

ސެޓިފިކޭޝަނަކީ ގޮއިދޫގެ ތާރީޚުގައި އައު ޞަފްޙާއެއް ފެށުމުގެ މުހިންމު ފާލެއްކަމަށާއި، ދަނޑުވެރިކަމުގެ ދާއިރާ ކުރިއަރުވައި، ޒުވާނުން ފަޚުރުވެރިކަމާއެކު މި ދާއިރާއަށް ނުކުތުމަށް ހިތްވަރު ލިބޭނެ، އަދި މުޅި ޤައުމަށް ދެމެހެއްޓެނިވި ތަރައްޤީގެ ނަމޫނާއެއްގެ ގޮތުގައި ގޮއިދޫ ފާހަގަކުރެވޭނެ އައު ދައުރެއްގެ ފެށުން ކަމަށް ޑރ. މާރިޔާގެ ވާހަކަފުޅުގައި ފާހަގަކުރެއްވިއެވެ. 

ކިޔުންތެރިންގެ ހިޔާލު