ގެސްޓްހައުސްއެއްގައި ދިވެހި ޒުވާނަކު ނިޔާވެފައި އޮއްވާ ފެނިއްޖެ އެވެ.

ދިވެހި ފުލުހުންގެ ޚިދުމަތުން ބުނީ މާލެ, ގަލޮޅުގައި ހުންނަ ގެސްޓް ހައުސްއެއްގައި މީހަކު ނިޔާވެފައި އޮއްވާ ފެނުފައިވާ ކަމަށެވެ. އެ ރިޕޯޓް ފުލުހުންނަށް ލިބުނީ މިއަދު މެންދުރު 2:15 ހާއިރު ކަަމަށް ވެސް ފުލުހުން ބުންޏެވެ.

ފުލުހުން ބުނި ގޮތުގައި ނިޔާވެފައި އޮއްވާ ފެނުނީ އުމުރުން 32 އަހަރުގެ އިބްރާހިމް ސިފާދު އެވެ. އެއީ ނ. ވެލިދޫއަށް ނިސްބަތްވާ ޒުވާނެކެވެ.

މި މައްސަލަ ތަހުޤީޤު ކުރަމުން ގެންދާ ކަމަށް ވެސް ފުލުހުން ބުންޏެވެ.