ސަޢޫދީ އަރަބިއްޔާގެ މަދަނީ ސަރަހައްދުތަކަށް އަމާޒުކޮށް ދާދި ފަހުން ދިން ބެލިސްޓިކް މިސައިލް ހަމަލާތައް ދިވެހިރާއްޖޭގެ ޖުމްހޫރިއްޔާގެ ސަރުކާރުން ހަރުކަށި އިބާރާތުން ކުށްވެރިކޮށްފިއެވެ.

ޚާރިޖީ ވުޒާރާއިން އާއްމުކުރި ބަޔާނުގައި ބުނީ، މި ހަމަލާތަކަކީ ސަޢޫދީ އަރަބިއްޔާގެ އިސްތިގުލާލާއި ސަރަހައްދީ ނަޒާހަތްތެރިކަމަށް އަރައިގަތުމުގެ ކަނޑައެޅިގެންވާ އަމަލެއް ކަމަށާއި، މިއީ ސަރަހައްދީ ސަލާމަތާއި ހަމަޖެހުމަށް އޮތް ނުރައްކާތެރި ބިރެއް ކަމުގައި ދިވެހިރާއްޖެއިން ދެކޭ ކަމަށެވެ. 

ދިވެހިރާއްޖެއިން ސަޢޫދީ ސަރުކާރާއި އެ ގައުމުގެ އަޚުވަންތަ ރައްޔިތުންނާއެކު ސާބިތުކަމާއެކު އޮތްކަން ހާމަކުރަމުން، އެ ގައުމުގެ އިސްތިގުލާލާއި، ސަލާމަތާއި، ސަރަހައްދީ ނަޒާހަތްތެރިކަން ރައްކާތެރިކުރުމަށް އަޅާ ހުރިހާ ފިޔަވަޅުތަކަކަށް ދިވެހިރާއްޖެއިން ތާއީދުކުރާކަން ހާމަކޮށްފައިވެއެވެ.

މީގެ އިތުރުން، ދާދި ފަހުން ހޯދާފައިވާ ކުރިއެރުންތައް ދަމަހައްޓައި، މަސްރަހު އަލުން ނުތަނަވަސްވިޔަ ނުދީ، ސަރަހައްދީ ސުލްހައާއި، ސަލާމަތާއި، ހަމަޖެހުން ގާއިމުކުރުމަށްޓަކައި، މެދުނުކެނޑި މަޝްވަރާކުރުމާއި ޑިޕްލޮމެސީގެ މުހިންމުކަން ދިވެހިރާއްޖެއިން ވަނީ އެކަންކަން ތަކުރާރުކޮށްފައެވެ.