ކާމިލްދީދީ ސުކޫލަށް ވަދެ ބަޔަކު ހަމަނުޖެހުން ހިންގި މައްސަލާގައި ދެ މީހަކު ހައްޔަރުކޮށްފި އެވެ.

ކޮންގްރެސް ޕާޓީގެ އެތެރޭގެ އިންތިޚާބުގައި އިއްޔެ ރޭ ވޯޓް ގުނަނިކޮށް ބަޔަކު ވަނީ އެ ތަނަށް ވަދެ ހަމަނުޖެހުން ހިންގާފަ އެވެ.

ފުލުހުން މިރޭ ބުނީ މި މައްސަލައިގެ ތުހުމަތުގައި ކޯޓު އަމުރެއްގެ ދަށުން މިރޭގެ ވަގުތެއްގައި ދެ މީހަކު ވަނީ ހައްޔަރުކޮށްފައި ކަމަށެވެ.

ހައްޔަރުކޮށްފައި ވަނީ އުމުރުން 23 އަހަރާއި 24 އަހަރުގެ ދިވެހި ދެ ފިރިހެނުން ކަމަށް ވެސް ބުންޏެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.