ހުޅުމާލެ ބޭރުގައި އޮތް ސަފާރީއެއްގައި ރޯވެއްޖެ އެވެ. 
ރޯވެފައިވަނީ "އެމްޕެރަރ އެކްސްޕްލޯރަރ" ނަމަކަށް ކިޔާ ބޮޑު ސަފާރީ ބޯޓެއްގަ އެވެ. އަލިފާންގަނޑު ނިއްވާލެވޭތޯ ސިފައިން ދަނީ މަސައްކަތް ކުރަމުންނެވެ. 

ނަމަވެސް ސަފާރީގައި ހުޅު ހިފާފައިވަނީ ވަރަށް ބޮޑަށެވެ. ސަފާރީގެ ބޮޑު ބައެއް މިހާރު ވެސް ވަނީ އަނދާފަ އެވެ.

ފުލުހުން ދެންމެ ބުނީ މި ހާދިސާގައި ދުމުގެ އަސަރުކުރުމާ ގުޅިގެން، ސަފާރީގެ ދެ ފަޅުވެރިއަކަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުން ކަމަށެވެ.