ފުލުހުންގެ އެމަޖެންސީ ލައިންގެ ހިދުމަތައް ދިމާވި މައްސަލަ ހައްލުކޮށްފައިވާ ކަމަށް އެ ހިދުމަތުން ބުނެފި އެވެ. 

ފުލުހުންގެ ހިދުމަތުން ބުނީ، މި މައްސަލަ މިހާރު ހައްލުކޮށްފައިވާކަމަށާއި، އެމަޖެންސީ ލައިން، 911 އާއި ހޮޓްލައިންތައް ކަމުގައިވާ 3322111 އަދި 3322112އަށް ދިމާވި ޓެކްނިކަލް މައްސަލަ މިހާރު ހައްލުކޮށްފައިވާ ކަމަށެވެ.

މި ޚިދުމަތަށް މައްސަލައެއް ދިމާވެފައިވާ ކަމަށް ފުލުހުން ބުނެފައިވަނީ މިއަދު ހެނދުނުގެ ވަގުތެއްގަ އެވެ. އަދި އެކަން ހާމަކުރިތާ ކުޑަ ވަގުތުކޮޅެއްގެތެރޭގައި މިވަނީ މައްސަލަ ހައްލުކޮށްފަ އެވެ.

ފުލުހުންގެ އެމްޖެންސީ ނަންބަރަށް މައްސަލަ ދިމާވުމާއެކު، ފުލުހުން ވަނީ ވަގުތީގޮތުން ގުޅޭނެ ނަމްބަރެއްވެސް އޭރު ހިއްސާކޮށްފަ އެވެ.