މާލޭގައި ހުންނަ މަޖުދުއްދީން ދަނާލުގައި 18 އަހަރުގެ ޒުވާނަކު ނިޔާވެފައި އޮއްވާ ފެނުނު މައްސަލަ ތަޙުޤީޤު ކުރަން ފަށާފައިވާ ކަމަށް ދިވެހި ފުލުހުންގެ ޚިދުމަތުން ބުނެފި އެވެ.

ދަނާލުގައި ޒުވާން އަންހެނަކު މަރުވެފައި އޮއްވާ ފެނުނީ ރޭގެ ވަގުތެއްގަ އެވެ. ފުލުހުން ބުނީ އެ ހާދިސާގެ ރިޕޯޓް ލިބިފައިވާ ކަަމަށެވެ. އަދި އެކަމާއި ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ.

މަރުގެ އެ މައްސަލައާ ގުޅިގެން ތަޙުޤީޤެއް ފަށާފައިވާކަން ޔަޤީންކޮށް ދިން ނަމަވެސް އިތުރު ތަފްސީލެއް ނުދެ އެވެ.

އަންހެން ކުއްޖާގެ މަރާއި ގުޅޭގޮތުން ތަފާތު ވާހަކަތައް ދެކެވެމުންނެވެ. ނަމަވެސް އެކަމާއި ގުޅޭގޮތުން ފުލުހުން ވަކި ކޮމެންޓެއް ނުކުރެ އެވެ.