ކ. މާފުށީ ބަނދަރު އަޕްގްރޭޑުކުރުމުގެ މަސައްކަތުގެ 63 އިންސައްތަ މަސައްކަތް ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.

މާފުށީ ބަނދަރު އަޕްގްރޭޑު މަސައްކަތުގެ އެންމެ ފަހުގެ މައުލޫމާތު އެކުންފުނިން ވަނީ މީސްމީޑިއާގައި ހިއްސާކޮށްފައެވެ. އެގޮތުން ބޮޑު ހިލައިގެ ފުރަތަމަ ޝިޕްމަންޓް މާފުއްޓަށް ގެންގޮސްފައިވާ ކަމަށް އެމްޓީސީސީއިން މަޢުލޫމާތުދެއެވެ.

މި މަޝްރޫޢުގެ ދަށުން ކުރާ މަސައްކަތްތަކުގެ ތެރޭގައި ހިމެނެނީ:

·  ހާބަރު ބޭސިން ފުންކުރުން

·  ނެރު ފުންކުރުން

·  ބޭރުތޮށި ލުން

·  ބޮޑުހިލައިގެ ރިވެޓްމެންޓް ޖެހުން

·  ޖިއޯބޭގް ރިވެޓްމެންޓް ޖެހުން

·  އެއްގަމުތޮށި ލުން

·  ޖެޓީއެއް ހެދުން

·  ބުރިޖެއް ހެދުން

·  ހާބަރު ޕޭވްމަންޓް ހެދުން

·  ބަނދަރު ބައްތި ޖެހުން

އައްޑިހަ ތިން މިލިއަން ރުފިޔާއަށް އެމްޓީސީސީއާ މި މަޝްރޫޢު ހަވާލުކުރީ 2023 ވަނަ އަހަރުގެ ޖަނަވަރީ މަހުގެ ތެރޭގައެވެ.