ENGLISH
31 އޯގަސްޓު 2025
އިންޑިއާގެ ބޮޑުވަޒީރު މޯދީ، ރައީސުލްޖުމްހޫރިއްޔާއާ ބައްދަލުކުރައްވައިފި
31 އޯގަސްޓު 2025
|
އިންޑިއާގެ ބޮޑުވަޒީރު މޯދީ، ރައީސުލްޖުމްހޫރިއްޔާއާ ބައްދަލުކުރެއްވުން --
އިންޑިއާގެ ބޮޑުވަޒީރު ނަރެންދުރަ މޯދީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާ ބައްދަލުކުރައްވައިފި އެވެ.
ދެ ބޭފުޅުންގެ ބައްދަލްވުން އޮތީ ޝަންހާއީ ކޯޕަރޭޝަން އޯގަނައިޒޭޝަން (އެސް.ސީ.އޯ) ސަމިޓްގެ ހަވާސާގެ ތެރެއިންނެވެ. އިންޑިއާގެ ބޮޑުވަޒީރު ނަރެންދުރަ މޯދީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް ޗައިނާއަށް ވަޑައިގެންނެވީ ޗައިނާގެ ރައީސް ޝީ ޖިންޕިންގ ގެ ދަޢުވަތަކަށެވެ.
ބޮޑުވަޒީރު މޯދީ ވަނީ, ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާ ބައްދަލުކުރެއްވިކަން ހާމަކުރައްވާ އެކްސް ގައި ޕޯސްޓެއް ކުރައްވާފަ އެވެ. ބޮޑުވަޒީރު ވިދާޅުވީ ރާއްޖެއާ އިންޑިއާގެ ގާތް އެކުވެރި ގުޅުމުގެ ސަބަބުން ދެ ޤައުމުގެ ރައްޔިތުންނަށް ބޮޑެތި ފައިދާތަކެއް ވާ ކަމަށެވެ.
ދިވެހީންގެ އެންމެ އަވައްޓެރި ޤައުމުގެ ގޮތުގައި އިންޑިއާއާއެކު ރާއްޖެއިން އަބަދުވެސް ހަރުދަނާ ގާތް ގުޅުމެއް ބާއްވަވަ އެވެ. އެ ގުޅުން އިތުރަށް ބަދަހި ކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޒަޢާމަތުގައި ޚާއްސަ އިސްކަމެއް ދެއްވައިގެން މަސައްކަތް ކުރައްވަމުން ގެންދަވަ އެވެ.
ނަތީޖާއެއްގެ ގޮތުން ރާއްޖެ-އިންޑިއާގެ ގުޅުން މިހާރު އޮތީ ދެ ޤައުމުގެ ރައްޔިތުންނަށް އެންމެ ފައިދާ ކުރާނެ ގޮތަށެވެ.
ދާދި ފަހުން, ރާއްޖޭގެ މިނިވަން ކަމަށް 60 އަހަރު ފުރުމުގެ މުނާސަބާ ފާހަގަކުރުމުގެ ގޮތުން ބޭއްވި ހަރަކާތްތައް ޝަރަފުވެރިކޮށް ދެއްވުމަށްވެސް ރައީސުލްޖުމްހޫރިއްްޔާގެ ޚާއްސަ ދަޢުވަތަކަށް ބޮޑުވަޒީރު މޯދީ ވަނީ ރާއްޖެ ވަޑައިގެންފަ އެވެ.