މިދިޔަ ހަފްތާގައި، 3 މެއި އިން ފެށިގެން 9 މެއި އާ ދޭތެރޭ މާލޭ ސަރަހައްދުން 81 މީހުން ފުލުހުންގެ ބެލުމުގެ ދަށަށް ގެންދެވިފައިވާ ކަމަށް ފުލުހުންގެ ތަފާސްހިސާބުތަކުން ދައްކައިފިއެވެ.

އެމީހުންނަކީ، މާލެ ފްރޮންޓްލައިން ޕޮލިސިންގ، ތިލަމާލެ ޕޮލިސް، ޓްރެފިކް ޕޮލިސް އެންޑް ރޯޑް މެނޭޖްމެންޓް، ހުޅުމާލެ ފްރަންތްލައިން ޕޮލިސިންގ އަދި ސެންޓްރަލް އިންވެސްޓިގޭޝަން ކޮމާންޑް އިން އެކި އެކި މައްސަލަތަކާއި ގުޅިގެން ފުލުހުންގެ ބެލުމުގެ ދަށަށް ގެންދެވިފައިވާ މީހުންނެވެ.

ފުުހުން އާންމުކޮށްފައިވާ ތަފާސްހިސާބުތަކަށް ބަލާއިރު، 15،000 އަށް ވުރެ ގިނަ މައްސަލަތަކަށް އެޓެންޑްވެފައިވެއެވެ. 

އޭގެތެރޭގައި، ޖުމްލަ 398 މައްސަލަ އަކީ ފުލުހުންނަށް ރިޕޯޓްކުރެވިގެން އެޓެންޑްވެފައިވާ މައްސަލަތަކެވެ. އަދި މި މައްސަލަތަކުގައި ޖުމްލަ 81 މީހަކު ހައްޔަރު ކުރެވިފައިވާ ކަމަށްވެސް ތަފާސްހިސާބުތަކުން ދައްކައެވެ.