އަމިއްލަ ގޮތުން މޭ/ޖޫންގައި އޭ ލެވެލް ހަދަން ބޭނުންވާ ދަރިވަރުންނަށް މާޗު 29 އަށް ފުރުޞަތު ދީފި އެވެ.

އަމިއްލަ ގޮތުން މޭ/ޖޫންގައި އޭ ލެވެލް ހަދަން ބޭނުންވާ ދަރިވަރުންނަށް ޑީޕީއީއިން ފުރުޞަތު އިތުރުކޮށްދީފައި ވަނީ، ބައިވެރިވުމުގެ މުއްދަތު މާރޗް 12އަށް ހަމަވެފައި ވަނިކޮށެވެ.

ޑީޕީއީއިން މިއަދު ކުރި އިއުލާނުގައި ބުނެފައިވާ ގޮތުން އަމިއްލަ ގޮތުން މޭ/ޖޫންގައި އޭލެވެލް ހަދަން ބޭނުންވާ ދަރިވަރުންނަށް އެ ފުރުޞަތު އޮންނާނީ މާރޗް މަހުގެ 29 ވަނަ ދުވަހުގެ ރޭ 12:00އާ ހަމައަށެވެ.

މެއި / ޖޫންގައި އޭލެވެލް އިމްތިހާނު ބާއްވަން މި ފެށީ ފަސް އަހަރެއްހާ ދުވަހުގެ މެދުކެނޑުމަކަށްފަހުއެވެ. މީގެ ކުރިން އަމިއްލަ ގޮތުން އޭލެވެލް މެއި/ޖޫންގައި ހަދަން ބޭނުންވާ ދަރިވަރުން ދަނީ އަވަށްޓެރި ސްރީލަންކާއަށެވެ. އެކަމުގެ ޝަކުވާ ބޮޑުވެ. ދަރިވަރުންތަކެއްވަނީ މެއި ޖޫންގެ އިމްތިޙާން ރާއްޖޭފައި ބާއްވައި ދިނުމަށް ޕެޓިޝަނެއްގައި ވެސް ސޮއިކޮށްފަ އެވެ.

މެއި/ޖޫންގައި އިމްތިހާނު ބާއްވަނީ ބައިވެރިވާ ކޮންމެ ދަރިވަރެއްގެ އަތުން 3،000 ރުފިޔާގެ ފީއެއް ނެގުމަށްފައެވެ. އަދި އޭގެ އިތުރުން ކޮންމެ މާއްދާއަކަށް ވަކިން ފީ ދައްކަން ޖެހެއެވެ.

މެއި/ޖޫން ގެ އޭލެވެލް އިމްތިޙާނު ބާއްވަން ނިންމައި އެޑިޔުކޭޝަން މިނިސްޓްރީން އޭރު ބުނީ، ރާއްޖޭގައި މެއި/ ޖޫންގައި އޭލެވެލް ހަދަން ހުއްޓާލުމާ ގުޅިގެން އެ އިމްތިހާނު ހެދުމަށް ބޭނުންވާ ދަރިވަރުން ރާއްޖޭން ބޭރަށް ދަތުރުކުރުމަށާއި ހުރުމުގެ ޚަރަދަށް އެކަނި އެވަރެޖުކޮށް 30،000 ރުފިޔާ ޚަރަދުވާތީ އެކަމަށް ހައްލެއް ހޯދައިދިނުމުގެ ގޮތުން ކަމަށެވެ.