ކޮންގްރެސް ޕާޓީގެ ކެންޑިޑޭޓުންނަށް ވޯޓްދީގެން ވާނީ ފައިދާ ކަމަށާ އައްޑޫ ސިޓީގެ ހުރިހާ ގޮނޑިތަކެއް އެ ޕާޓީއަށް ދިނުމަށް ރައީސުލްޖުމްހޫރިއްޔާ އަދި ކޮންގްރެސް ޕާޓީގެ ރައީސް ޑރ. މުޙައްމަދު މުޢިއްޒު އެދިވަޑައިގެންފި އެވެ.

އެމަނިކުފާނު އެކަމަށް އެދިވަޑައިގެންނެވީ މިރޭ އާޓިފިޝަލް ބީޗުގައި އޮތް ދަ ގްރޭޓަރ އައްޑޫ ވިޝަންގެ ތަފްސީލު ލޯންޗުކުރުމަށް މިރޭ ބޭއްވި ޚާއްސަ ހަފްލާގަ އެވެ.

ރައީސުލްޖުމްހޫރިއްޔާ ވިދާޅުވީ އެމަނިކުފާނު ވެރިކަމަށް ވަޑައިގެން ތަރައްޤީގެ މަސައްކަތް ފުރަަތަމަ ދުވަހު ފައްޓަވާފައިވާ ކަމަށެވެ. އަދި އެމަނިކުފާނުގެ އެ މަސައްކަތްޕުޅު އިތުރު ހަލުވި މިނެއްގައި ކުރިއަށް ގެންދެވޭނީ އެކަމަށް ފުރިހަމައަށް އެހީތެރިވެދޭ ކައުންސިލްތަކެއް އޮވެގެން ކަމަށެވެ.

މިހާރުވެސް އައްޑޫސިޓީއަށް ޚާއްސަ އެތައް މަޝްރޫޢުތަކެއް ފަށާފައިވާ ކަމަށާ އަދި މި އަހަރުވެސް މުޅިން އަލަށް އިތުރު މަޝްރޫޢުތައް ފެށިގެންދާނެ ކަމުގައި ވިދާޅުވި އެވެ. އެހެން ކަމުން އެ މަޝްރޫޢުތައް ހުއްޓުމަކަށް ނުވަތަ ލަސްވެދާނެ ފަދަ ނިންމުމެއް ނުނިންމުމަށް ރައްޔިތުންގެ ކިބައިން އެދިވަޑަައިގަތެވެ.

ދޫންޏަށް ވޯޓް ދީގެން ވާނީ ފައިދާ. ޕީއެންސީ އަކީ އެ ޕާޓީގެ ހުރިހާ މެންބަރުންގެ ޕާޓީއެއް," ރައީސް ވިދާޅުވި އެވެ.