އެންމެ އަގުބޮޑު ޤުރުއާން މުބާރާތް، އެމްއެމްޓީވީގެ "ޝިފާއުން ވަރަޙްމާ" ޤުރުއާން މުބާރާތުގެ ވަނަތައް ހޮވައިފިއެެވެ. 

މިދިޔަ ރަމަޟާން މަހު ބޭއްވި މީގެ ދެވަނަ މުބާރާތުގައި 800 އަށްވުރެ ގިނަ ބައިވެރިން ވަނީ ބައިވެރިވެފައެވެ. މި މުބާރާތް ފުރަތަމަ ބޭއްވީ 1446 ވަނަ އަހަރުގެ ރަމަޟާން މަހުއެވެ. އެ މުބާރާތުގައި 300 ބައިވެރިން ބައިވެރިއެވެ. އަދި މި އަހަރުގެ ރަމަޟާން މަހު އެ އަދަދު ވަނީ 800 އަށް އިތުރުވެފައެވެ. 

ދެ ދަންފަޅިއަކަށް ބަހާލައިގެން އިނާމްތައް ހަވާލުކުރި އިރު، ފުރަތަމަ ދަންފަޅި ޝަރަފްވެރިކޮށްދެއްވީ އިސްލާމިކް ޔުނިވަރސިޓީ އޮފް މޯލްޑިވްސްގެ ވައިސްޗާންސެލަރ ޑރ. އަލީ ޒާހިރުއެވެ. އަދި ދެވަަނަ ދަންފަޅި ޝަރަފުވެރިކޮށްދެއްވީ ސަލަފް ޖަމިއްޔާގެ ފަރާތުން އައްޝައިހް އަހުމަދު ސަމީރެވެ. 

މި އަހަރުގެ މުބާރާތުގައި 12 އުމުރު ފުރާއަކުން ބައިވެރިވެފައިވެއެވެ. 

4 އަހަރުން ދަށުގެ އުމުރު ފުރާ 

4 އަހަރާ 6 އަހަރާ ދެމެދު އުމުރު ފުރާ

6 އަހަރާ 9 އަހަރާ ދެމެދު އުމުރު ފުރާ

9 އަހަރާ 12 އަހަރާ ދެމެދު އުމުރު ފުރާ

12 އަހަރާ 15 އަހަރާ ދެމެދު އުމުރު ފުރާ

15 އަހަރާ 18 އަހަރާ ދެމެދު އުމުރު ފުރާ

18 އަހަރުން މަތީގެ އުމުރު ފުރާ

އެމްއެމްޓީވީގެ "ޝިފާއުން ވަރަޙްމާ" ޤުރުއާން މުބާރާތަކީ ޕްރައިވެޓް މީޑިއާއަކުން ރާއްޖޭގައި ބާއްވާ އެންމެ އަގުބޮޑު ޤުރުއާން މުބާރާތެވެ. މި މުބާރާތުގެ ކިޔެވުންތައް ފޮނުވާފައިވަނީ ރާއްޖޭގެ ކޮންމެ ހިސާބެއްގައި ވެސް ހުރެގެން ފޮނުވޭގޮތަށް އޮންލައިން ޕްލެޓްފޯމްތައް މެދުވެރިކޮށެވެ. މިއީ މުބާރާތުގެ ބައިވެރިންގެ އަދަދު އިތުރުވެ މުޅި ރާއްޖޭގައި މުބާރާތުގެ މަގުބޫލުކަން ބޮޑުވި އެއްސަބަބެވެ. 

މި މުބާރާތުގައި އުމުރުން 2 އަހަރުން ފެށިގެން 60 އަހަރާ ދެމެދުގެ ބައިވެރިން ކިޔަވާފައިވެއެވެ. 

މުބާރާތުގެ ފަނޑިޔާރުންނަކީ އަލްއުސްތާޛު އިބްރާހިމް ރަމްޒީ، އަލްއުސްތާޛު މުހައްމަދު ތައުފީގު އަލީ އަދި އަލްއުސްތާޛު އިބްރާހިމް ޝިފާއުއެވެ.