ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބަށް ތައްޔާރުވުމުގެ ގޮތުން އައްޑޫ ސިޓީގެ ކެމްޕޭނަށް ޚާއްޞަ ޖަގަހައެއް މާލޭގައި ހުޅުވައިފި.

އައްޑޫ ސިޓީ ޖަގަހަ ހުޅުވުމުގެ ޙަފްލާގައި ފަސްޓް ލޭޑީ ސާޖިދާ މުޙައްމަދު ބައިވެރިވަޑައިގަންނަވަނީ. ފޮޓޯ: ޕީއެންސީ

މާރިޗު 5 ވަނަ ދުވަހުގެ ރޭ މި ކެމްޕޭން ޖަގަހަ ހުޅުއްވައިދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު. މި ޖަގަހަ ޤާއިމުކުރީ ބުރުޒުމަގުގައި ހުންނަ މއ. މޫވީ ލައިޓްގަ.

މާލޭގައި ހުޅުވި އައްޑޫ ސިޓީގެ ކެމްޕޭން ޖަގަހަ ޙަފްލާއަށް ގިނަ ބަޔަކު ވަނީ ހާޒިރުވެފަ. ޖަގަހަ ހުޅުއްވައިދެއްވީ ފަސްޓް ލޭޑީ ސާޖިދާ މުޙައްމަދު. ފޮޓޯ: ޕީއެންސީ

ޖަގަހަ ހުޅުވުމުގެ ރަސްމިއްޔާތުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދުގެ އަރިހުގައި، ޕާޓީގެ ލީޑަރޝިޕްގެ ބޭފުޅުން އަދި ކެންޑިޑޭޓުން ބައިވެރިވެވަޑައިގެންނެވި. ޚާއްޞަކޮށް، އައްޑޫގެ އެކި ދާއިރާތަކަށް ވާދަކުރައްވާ ކެންޑިޑޭޓުން ބައިވެރިވެވަޑައިގެންފައިވޭ. 

އައްޑޫ ސިޓީ ޖަގަހަ ހުޅުވުމުގެ ޙަފްލާގައި ފޭދޫ ދެކުނު ދާއިރާގެ މެންބަރު އިބްރާހީމް ދީދީ ވާހަކަދައްކަވަނީ. ފޮޓޯ: ޕީއެންސީ

ޖަގަހަ ހުޅުވުމުގެ ޙަފްލާގައި މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު، އަޙްމަދު ޝިޔާމްގެ އިތުރުން ރައްޔިތުންގެ މަޖިލީހުގެ ފޭދޫ ދެކުނު ދާއިރާގެ މެންބަރު އިބްރާހީމް ދީދީ ވާހަކަދައްކަވާފައިވޭ. 

މި ޙަފްލާގައި ޕާޓީގެ ގިނަ އަދަދެއްގެ އާއްމު މެންބަރުން ވަނީ ބައިވެރިވެފަ.