މަސްތުވާތަކެތީގެ މައްސަލައެއްގައި ތައިލެންޑް ޖަލުގައި ބަންދުކޮށްފައި ހުރި 22 އަހަރުގެ ދިވެއްސަކު މަރުވެއްޖެ އެވެ.

މަރުވެފައިވަނީ ތ. ގުރައިދޫ، ފަނާރު، އިބްރާހީމް ނަބީހު ނަސީމް (22އ) އެވެ. 

ދިވެހު ފުލުހުންގެ ޚިދުމަތުން މިއަދު ބުނި ގޮތުގައި އިބްރާހީމް ނަބީހު ނަސީމް މަރުވެފައިވާކަން ވަނީ އަންގާފަ އެވެ.

ތައިލެންޑުން އޭނާ ހައްޔަރުކޮށްފައިވަނީ ފެބުރުވަރީ 22 ވަނަ ދުވަހު، އެ ގައުމުގެ ޑޮން މުއެންގް އިންޓަނޭޝަނަލް އެއާޕޯޓުން އެވެ. އަދި އޭނާ ހައްޔަރުކުރީ މަސްތުވާތަކެތީގެ މައްސަލައެއްގައި ކަމަަށް ވެސް ބުންޏެވެ. 

ނަބީހުގެ މަރާއި ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ވަނީ ބުނެފަ އެވެ.