މިއަހަރުގެ ފިތުރު ޒަކާތް އޮންލައިންކޮށް ބަލައިގަންނަން ފަށަފިއެވެ.

މިއަހަރުގެ ފިތުރު ޒަކާތް އޮންލައިންކޮށް ބަލައިގަތުމަށް ހަމަޖެހިފައިވަނީ ރަމަޟާން މަހު އެއް ވަނަ ދުވަހުން ފެށިގެން ރަމަޟާން މަހުގެ 27 ވަނަ ދުވަހާއި ހަމައަށް ކަމަށް މޯލްޑިސް ޒަކާތު ހައުސް އިން ވަނީ ބުނެފައެވެ.

ފިތުރު ޒަކާތް ދިރާގު ޕޭއާއި، އެމް ފައިސާއާއި، ފައިސާ މޮބައިލްއާއި، ބީއެމްއެލްއާއި، ފަހިޕޭއާއި އަވަސް އެޕް އަދި ބަނޑޭރި ޕޯޓަލް މެދުވެރިކޮށް ދެއްކޭނެއެވެ.

ފަހިޕޭ އަދި ބަނޑޭރިޕޭ މެދުވެރިކޮށް ޒަކާތް ރަމަޟާން މަހުގެ އެންމެ ފަހު ދުވަހާ ހަމައަށް ދެއްކޭނެއެވެ. އޮންލައިންކޮށް ޒަކާތް ދެއްކުމަށް އަހުލުވެރިނޫން މީހުންނާއި އުމުރުން ދުވަސްވީ މީހުންނށް އިސްލާމި މަރުކަޒުގެ ޖަލްސާކުރާ މާލަމުގައި ޒަކާތް ބަލައިގަތުގެ އިންތިޒާމު މޯލްޑިސް ޒަކާތު ހައުސް އިން ވަނީ ހަމަޖައްސާފައެވެ.

މާލެ ފިޔަވައި އެހެން ރަށްރަށުގެ ފިތުރު ޒަކާތް ބެހުމާއި ނެގުމުގެ ކަންތައްތައް ހަމަޖައްސާނީ އެތަނުގެ ކައުންސިލުންކަމަށް އިސްލާމީ ވުޒާރާއިން ވަނީ ބުނެފައެވެ.

ފިތުރު ޒަކާތް ދައްކަން ޖެހެނީ އެ ބަޔަކު އާންމުކޮށް ކައިއުޅޭ ގޮވާމުގެ ބާވަތްތަކުންނެވެ.