ސަރުކާރުން މ. މުލަކުގައި ގާއިމުކުރަމުންދާ އައުޓްޑޯ ޖިމްގެ ވަށާފާރު ރޭނުމުގެ މަސައްކަތް ފަށައިފިއެވެ. 

ޕަބްލިކް ސެކްޓަރ އިންވެސްޓްމެންޓް ޕްރޮގްރާމުގެ ދަށުން މުލަކުގައި އައުޓްޑޯ ޖިމެއް ގާއިމުކުރުމުގެ މަސައްކަތް ސަރުކާރުން ހަވާލުކޮށްފައިވަނީ ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ) އާއެވެ. 

މަސައްކަތުގެ އެންމެ ފަހުގެ މައުލޫމާތު ހިއްސާކޮށް އާރުޑީސީއިން ސޯޝަލް މީޑިއާގައި ކުރި ޕޯސްޓެއްގައި ބުނީ އައުޓްޑޯ ޖިމްގެ ވަށާފާރު ރޭނުމުގެ މަސައްކަތް މިހާރު ކުރިއަށްދާކަމަށެވެ. 

ރާއްޖޭގެ ހުރިހާ ރަށެއްގައި އައުޓްޑޯ ޖިމް ގާއިމުކުރުމުގެ އަމާޒުގެ ދަށުން ސަރުކާރުން ވަނީ 71 ރަށެއްގައި އައުޓްޑޯ ޖިމް ގާއިމުކުރުމުގެ މަސައްކަތް އާރުޑީސީއާ ހަވާލުކޮށްފައެވެ. މިއާއެކު ޖުމްލަ 102 ރަށެއްގައި އައުޓްޑޯ ޖިމް ގާއިމުކުރުމުގެ މަސައްކަތް މިހާރު ދަނީ ކުރަމުންނެވެ. 

އައުޓްޑޯ ޖިމްތަކުގެ އިތުރުން ވެސް އާރުޑީސީއިން އަންނަނީ ސަރުކާރުގެ ތަރައްޤީގެ ގިނަ މަޝްރޫޢުތަކެއް އެއްފަހަރާ ރަށްތަކުގައި ހިންގަމުންނެވެ.