ބައެއް ދިވެހި ފިލްމުތަކުގައި ރުޅިގަދަ ރޯލުތަކުން ވިދާލި މުޙައްމަދު ނަޢީމް ނިޔާވެއްޖެ އެވެ.

މ. މެދުމާޕެލަސް ނައީމް، 71 އަހަރުގައި ނިޔާވީ ރޭގެ ވަގުތެއްގަ އެވެ.

ނަޢީމްގެ ޖަނާޒާ އޮތީ މިއަދުގެ މެންދުރު ނަމާދަށް ފަހު އާސަހަރާގަ އެވެ.

އޭނާ އަކީ އޮފީސްތަކުގެ ޓެލެޑްރާމާ މުބާރާތުގައި ގެނެސްދިން ބައެއް ޑްރާމާ ސީރީޒްތަކާއި ބައެއް ފިލްމުތަކުގައި އަދާކޮށްފައިވާ ރޯލުތަކުން ވަރަށް ބޮޑު މަޝްހޫރު ކަމެއް ލިބުނު މީހެކެވެ.

އޭނާގެ އެންމެ ފާހަގަކޮށްލެވޭ ފިލްމަކީ ޒުލޭޚާ އެވެ. އެ ފިލްމުގައި އޭނާ އަދާކުރަނީ ރުޅިގަދަ، ރަޙްމްކުޑަ ބައްޕައެއްގެ ރޯލެވެ. އެ ނޫން ވެސް ބައެއް ސީރީޒްތަކުގައި ވެސް އެފަދަ ރޯލްތައް އޭނާ މޮޅަށް ކުޅެފައިވެ އެވެ.