މި އަހަރުގެ ނަޞްރުގެ ދުވަހުގެ މުނާސަބަތުގައި އެމްއެންޑީއެފުން ކުރިއަށް ގެންދިޔަ ހަރަކާތްތައް ފެށުމުގެ ގޮތުން ނޮވެންބަރު 3 ވަނަ ދުވަހު، ސިފައިން ބައިވެރިވެގެން ބޮޑު ޖަމާޢަތުގައި ކުރި ފަތިސް ނަމާދުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގެންނެވި. އިސްލާމީ މަރުކަޒުގައި ބޭއްވި ފަތިސް ނަމާދުގެ ޖަމާއަތުގައި ސިފައިންގެ އިސް އޮފިސަރުންގެ އިތުރުން ސަރުކާރުގެ އިސްވެރިން ބައިވެރިވި. ފަތިސް ނަމާދަށް ފަހު، މިއަދު ހެނދުނު، 6:00 ގައި 3 ނޮވެންބަރުގެ ހަނދާނީ ބިނާގައި ދިދަ ޖެހުމާއި، ގާޑް މައުންޓް ކުރުމުގެ ރަސްމިއްޔާތު ވެސް ބޭއްވި.