ހދ. ކުމުންދޫގެ ފެނާއި ނަރުދަމާގެ ޚިދުމަތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވަނީ ރަސްމީކޮށް ފައްޓަވައިދެއްވާފައި. ރައީސްގެ ތިލަދުންމަތީ ދެކުނުބުރީގެ ރަށްރަށަށް ކުރެއްވި ދަތުރުފުޅުގެ ފަހު މަންޒިލުގެ ގޮތުގައި ކުމުންދޫއަށް ވަޑައިގެން އެރަށަށް ބޭނުންވާ ގިނަ މަޝްރޫޢުތަކެއް ވަނީ ފައްޓަވައިދެއްވާފައި. އޭގެ ތެރޭގައި ބީއެމްއެލް އޭޓީއެމްގެ ޚިދުމަތް ފެށުން، ފިޓްނެސް އެންޑް ރެކްރިއޭޝަން ސެންޓަރުގެ އަމަލީ މަސައްކަތްް ފެށުން، ކުމުންދޫގެ ޕޮލިސް ސްޓޭޝަނާއި ހެލްތު ސެންޓަރުގެ އެކްސްޓެންޝަން އިމާރާތުގެ ބިންގާ އެޅުން ހިމެނޭ.