މޯލްޑިވްސް އެކުއަޓިކްސްއިން އިންތިޒާމުކޮށްގެން ބާއްވާ "ދެވަނަ ކުލަބު ކިޑްސް ސްވިމިންގ ފެސްޓިވަލް" ހުޅުމާލޭ ސްވިމިންގ ޕޫލުގައި ފަށައިފިއެވެ.

މި މުބާރާތުގެ އިވެންޓުތައް ކޮންމެ ދުވަހެއްގެ ހަވީރު 4:00 އިން ފެށިގެން ކުރިއަށްދާނެއެވެ.

މި އަހަރުގެ މުބާރާތުގައި 5 ކުލަބަކުން 362 ކުދިން ބައިވެރިވެއެވެ. މީގެ ތެރޭގައި ހިމެނެނީ 172 އަންހެން ކުދިންނާއި 190 ފިރިހެން ކުދިންނެވެ.

ފެސްޓިވަލްގެ ހަރަކާތްތައް މިއަދުން ފެށިގެން މި މަހުގެ ހަވަނަ ދުވަހުގެ ނިޔަލަށް ކުރިއަށްދާނެ ކަމަށް ސްވިމިން އެސޯސިއޭޝަން އޮފް މޯލްޑިވްސްއިން މައުލޫމާތުދެއެވެ.