މި އަހަރު ބޭއްވުމަށް ހަމަޖެހިފައިވާ އިންޓަރނޭޝަނަލް ހޭންޑްބޯލް ފެޑެރޭޝަން (އައިއެޗްއެފް) ޓްރޮފީގައި ވާދަކުރާ ދިވެހިރާއްޖޭގެ ޤައުމީ ޓީމުތަކަށް ޖާޒީ ހަވާލުކޮށްފިއެވެ.

މި ޓީމުތަކަށް ޖާޒީ ހަވާލުކޮށްދެއްވީ ކޮމިޝަނަރ އޮފް ސްޕޯޓްސް، މުޙައްމަދު ޠަލާލެވެ. 

މި އަހަރު އައިއެޗްެއެފް ޓްރޮފީ މުބާރާތުގައި ރާއްޖޭގެ 18 އަހަރުން ދަށުގެ ޤައުމީ ޓީމާއި، 20 އަހަރުން ދަށުގެ ޤައުމީ ހޭންޑްބޯޅަ ޓީމު ވާދަކުރެއެވެ. 

މިމަހުގެ 10 އިން 14 އަށް ބަންގްލަދޭޝްގައި ކުރިއަށްދާ މި މުބާރާތަކީ، މި ސަރަހައްދުގެ ހޭންޑްބޯޅައިގެ އުުންމީދީ ޒުވާން ހުނަރުވެރި ކުޅުންތެރިންގެ ހުނަރުތައް ފެނިގެންދާނެ މުބާރާތެކެވެ.

ހޭންޑްބޯޅައަކީ ރާއްޖޭގައި މިހާރު ކުރިއަރަމުން އަންނަ އެއް ކުޅިވަރެކެވެ. އެގޮތުން ބައިނަލްއަގުވާމީ މުބާރާތަކުން ފާހަގަކޮށްލެވޭ ފަދަ ރަނގަޅު ނަތީޖާތަކެއް ހޭންޑްބޯޅައިން ރާއްޖޭގެ ޤައުމީ ޓީމުތައް އަންނަނީ ހޯދަމުންނެވެ.