ހައްޖަށް ނުވަތަ އުމްރާއަށް މައްކާއަށް ގޮސް އުޅުމުގައި ބަލިތަކުން ރައްކާތެރިވުމަށް އެޅިދާނެ ފިޔަވަޅުތައް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހިއްސާކޮށްފި އެވެ.

އެޗްޕީއޭއިން 'އެކްސް' ގައި ހިއްސާކުރި ޕޯސްޓުގައި ވަނީ ދަތުރުވެރިންގެ ވެކްސިންތަކާއި، ބަލިތަކުން ރައްކާތެރިވުމަށް އެޅިދާނެ ފިޔަވަޅުތަކާ ގުޅޭ މަޢުލޫމާތު އާއްމުކޮށްފަ އެވެ.  

ބަލިތަކުން ރައްކާތެރިވުމަށް އެންމެ މުހިއްމު ކަމަކީ އަމިއްލަ މީހާގެ ސާފުތާހިރުކަން ކަމަށް އެޗްޕީއޭއިން ބުނެފައިވެއެވެ. އެގޮތުން ބަލިތަކުން ރައްކާތެރިވުމަށް ހައްޖުވެރިން ސާފުތާހިރުކޮށް ތިބުމަށާއި، އުޅޭ ކޮޓަރިއާއި ބޭނުންކުރާ ފާހާނާތައް ސާފުތާހިރުކޮށް ބެހެއްޓުން މުހިއްމުކަމަށް ފާހަގަކުރެއްވި އެވެ. މީގެ އިތުރުން އެންމެ މުހިއްމު ކަމެއް ގޮތުން، ޑޮކްޓަރުންގެ ލަފައާއި އިރުޝާދުގެ ދަށުން ވެކްސިންޖެހުމަށް އެޗްޕީއޭއިން ވަނީ ހަނދާންކޮށްދީފައެވެ. 

ވެކްސިނަކީ އޭގެ ދިފާއީ ބާރު އުފެއްދުމަށް ގާތްގަނޑަކަށް ދެ ހަފްތާގެ މުއްދަތެއް ބޭނުންވާ އެއްޗެކެވެ. އެހެންކަމުން ކޮންމެ މީހަކުވެސް ފުރުމުގެ ދެ ހަފްތާ ކުރިން ވެކްސިން ޖެހުމަކީ މުހިއްމު ކަމެއްކަމަށް އެޗްޕީއޭ އިން އިލްތިމާސްކޮށްފައިވެއެވެ. 

ދަތުރުވެރިންގެ ވެކްސިންތައް:

ބަލިތަކުން ރައްކާތެރިވުމަށް ކޮންމެ މީހަކަށްވެސް ކުރެވިދާނެ މުހިއްމު ކަންތައްތައްވެސް އެޗްޕީއޭ އިން ވަނީ ހިއްސާކޮށްފަ އެވެ.

ބަލިތަކުން ރައްކާތެރިވުމަށް އެޅިދާނެ ފިޔަވަޅުތައް:

މީގެ އިތުރުންވެސް ދަތުރުގެ ތެރެއިން ކޮންމެހެން ދާންޖެހޭ ތަންތަނަށް ފިޔަވާ އެހެންތަންތަނަށް ދިއުން ރައްކާތެރި ނޫންކަމަށް ބުނެފައިވެ އެވެ. އެގޮތުން ހާއްސަކޮށް ޖަނަވާރު ވިއްކާ ތަންތަނަށް ނުދިޔުމަށާއި، ރޯކިރު ރަނގަޅަށް ކެއްކުމަށްފަހު ނޫނީ ބޭނުން ނުކުރުމަށް އިލްތިމާސްކޮށްފައިވެ އެވެ. މީގެ އިތުރުން މަހުގެ ބާވަތްތައްވެސް ކެއުމުގައި ބޭނުންކުރާއިރު ރަނގަޅަށް ރޯފިލާފައި ހުރިކަން ކަށަވަރު ކުރުމަކީ މުހިއްމު ކަމެއްކަމަށް އެޗްޕީއޭ އިން ބުނެފައިވެ އެވެ.

ޙައްޖުވެރިން ފުރުމުގެ އިންތިޒާމު މޯލްޑިވްސް ޙައްޖު ކޯޕަރޭޝަނުން ހަމަޖައްސަމުންގެންދާއިރު ޙައްޖު މިޝަންގެ ޓީމު މިހާރު ވަނީ ސަޢޫދީ އަރަބިއްޔާއަށް ގޮސްފަ އެވެ. އަދި ފުރަތަމަ ބުރުގެ ޙައްޖާޖީން މެއި 15 ވަނަ ދުވަހު ސަޢޫދީ އަރަބިއްޔާއަށް ފުރާނެއެވެ.