މާފަންނު ދެކުނު ދާއިރާގެ ކެމްޕެއިން ޖަގަހަ ރައީސުލްޖުމްހޫރިއްޔާގެ އަނބިކަނބަލުން، ސާޖިދާ މުޙައްމަދު ހުޅުއްވައިދެއްވައިފި. 

ޖަގަހަ ހުޅުއްވައިދެއްވައި ރައީސުލްޖުމްހޫރިއްޔާގެ އަނބިކަނބަލުން ދެއްކެވި ވާހަކަފުޅުގައި ވަނީ، ރެއާއި ދުވާލު ނިދި ނަންގަވައިލައްވައިގެން ރައްޔިތުންގެ ހައްގުގައި ނުހަނު ބުރަ މަސައްކަތްތަކެއް ކުރައްވަމުން ގެންދަވާ ރައީސަަކާއެކު އެއްބާރުލުންދީގެން މަސައްކަތްކުރާނެ ކައުންސިލަރުންނާއި އަންހެނުންނަށް ތަރައްގީއަށް މަސައްކަތްކުރާ ކޮމިޓީގެ މެންބަރުން އަދި މޭޔަރަކު އިންތިހާބުކުރުމަކީ ކޮންމެހެން ކުރަންޖެހޭ ކަމެއް ކަމުގައި ވިދާޅުވެފަ. 

މާފަންނު ދެކުނު ދާއިރާގެ ކެމްޕެއިން ޖަގަހަ ރައީސުލްޖުމްހޫރިއްޔާގެ އަނބިކަނބަލުން، ސާޖިދާ މުޙައްމަދު ހުޅުއްވައިދެއްވުން. ފޮޓޯ: ކޮންގްރެސް ޕާޓީ

ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވީ މާފަންނު ދެކުނުގައި އެކަމަނާ ގިނަ ދުވަސްތަކެއް ދިރިއުޅުއްވިކަމަށާއި، ކުރިން ރަސްފަންނު އޮތް ސަރަހައްދު އޮތް ގޮތާއި، ފުޑް ކޯޓުގެ ސަރަހައްދު އޮތް ގޮތް އެ ސަރަހައްދުގެ ރައްޔިތުން ހަނދުމަފުޅު ހުންނާނެ ކަމަށް. 

އެ މައްސަލަތައް ހައްލުކުރައްވައި އެތަންތަނަށް ހެޔޮ ބަދަލުތަކެއް ގެނެސްދެއްވީ ކޮން ބޭފުޅެއްގެ މޭސްތެރިކަމުގައިކަން ރައްޔިތުންނަށް އެނގޭނެކަން ފާހަގަކުރައްވަަމުން، ރައީސް ޑރ.މުޢިއްޒު ހައުސިން މިނިސްޓަރުކަމުގައި ހުންނެވިއިރު މާލޭގެ އެ ސަރަހައްދަށް ގެނެސްދެވި ބަދަލުތައް އެކަމަނާ ވިދާޅުވެދެއްވި. އަދި މާލޭގެ މޭޔަރުކަމުގައި އެ ސަރަހައްދަށް ކުރިއެރުން ގެެނެސްދެއްވުމަށް ރައީސް ކުރެއްވި މަސައްކަތްޕުޅުވެސް ފާހަގަކުރެއްވި.

މާފަންނު ދެކުނު ދާއިރާގެ ކެމްޕެއިން ޖަގަހަ ރައީސުލްޖުމްހޫރިއްޔާގެ އަނބިކަނބަލުން، ސާޖިދާ މުޙައްމަދު ހުޅުއްވައިދެއްވުން. ފޮޓޯ: ކޮންގްރެސް ޕާޓީ

ރަސްމިއްޔާތުގައި، މާލެ ސިޓީގެ މާފަންނު ދެކުނު ދާއިރާގެ ކައުންސިލު ގޮނޑިއަށް ޕީއެންސީގެ ޓިކެޓުގައި ވާދަކުރައްވާ ކެންޑިޑޭޓާއި މާލޭގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އެ ދާއިރާ ގޮނޑިއަށް ވާދަކުރައްވާ ކެންޑިޑޭޓުން ބައިވެރިވަޑައިގެންނެވި.