ފިލިޕީންސްގައި ފެރީއެއް ބަނޑުންޖަހާލި ހިތާމަވެރި ހާދިސާއާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެޤައުމުގެ ރައީސް، ހިޒް އެކްސަލަންސީ ފާޑިނަންޑް ރޮމުލްޑޭޒް މާކޯސް ޖޭ، އާރ އަށް ތަޢުޒިޔާގެ މެސެޖެއް ފޮނުއްވައިފިއެވެ.

ފިލިޕީންސްގެ ދެކުނު ބެސިލާންގައި ފެރީއެއް ބަންޑުންޖަހާލި ހިތާމަވެރި ހާދިސާގައި އެތައް ބަޔަކު މަރުވެ ބައެއް މީހުން ގެއްލިފައިވެއެވެ. ރައީސުލްޖުމްހޫރިއްޔާގެ މެސެޖުގައި ވިދާޅުވީ، މި ނުރައްކާތެރި ހާދިސާއާއި ގުޅިގެން ނުހަނު ފުން ހިތާމައެއް ލިބިވަޑައިގެންނެވިކަމަށެވެ. 

އެމަނިކުފާނުގެ މެސެޖުގައި ފިލިޕީންސްގެ ރައީސް ހިޒް އެކްސަލަންސީ ފާޑިނަންޑް ރޮމުލްޑޭޒް މާކޯސް އާއި، އެޤައުމުގެ ސަރުކާރަށާ، ރައްޔިތުންނާއި، ޙާދިސާގައި ނިޔާވި މީހުންގެ ޢާއިލާތަކަށް، ދިވެހި ސަރުކާރާއި ރައްޔިތުންގެ ނަމުގައި، ހަމްދަރުދީ ފާޅުކުރައްވައި، ތަޢުޒިޔާ ފޮނުއްވާފައި ވެއެވެ.

އަދި މި ހާދިސާގައި، ޒަޚަމްވި މީހުންނަށް އަވަސް ޝިފާއަކަށް އެދިވަޑައިގެން، ގެއްލިފައިވާ މީހުން ހޯދުމަށް، ކުރަމުންދާ މަސައްކަތްތައް ކާމިޔާބު ވުމަށްވެސް، އެދިވަޑައިގެންފައި ވެއެވެ.