ENGLISH
30 ނޮވެމްބަރު 2025
ވިލިނގިލީ ބަނދަރު ތަރައްޤީކުރުން؛ ތިން ވަނަ ފިޔަވަހީގެ އެއްގަމު ތޮށީގެ މަސައްކަތް ކުރިއަށް
30 ނޮވެމްބަރު 2025
|
ވިލިނގިލީ ބަނދަރުގެ ތިންވަނަ ފިޔަވަހީގެ މަސައްކަތް ކުރިއަށް ދަނީ--ފޮޓޯ:އެމްޓީސީސީ
ގއ. ވިލިނގިލީ ބަނދަރު ތަރައްޤީކުރުމުގެ މަސައްކަތުގެ ތިން ވަަނަ ފިޔަވަހީގެ ދަށުން މިހާރު ކުރިއަށްދަނީ ޑްރެއިނޭޖްގެ މަސައްކަތްތަކާއި އެއްގަމު ތޮށީގެ ކޮންކްރީޓް މަސައްކަތުގެ އިތުރުން ތޮށީގެ ކާރބް ސްޓޯން ހަރުކުރުމުގެ މަސައްކަތްކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފި އެވެ.
ވިލިގިނލީ ބަނދަރުގެ މަސައްކަތް ކުރަމުން އަންނަ ކޮންޓްރެކްޓަރ އެމްޓީސީސީން ބުނީ މުޅި މަޝްރޫޢުގެ 61 އިންސައްތަ މަސައްކަތް މިހާރު ނިމިފައިވާ ކަމަށެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
މި މަޝްރޫއަކީ ސަރުކާރުން 114 މިލިއަން ޚަރަދުކޮށްގެން ތަރައްޤީކުރުމަށް އެމްޓީސީސީއާ 2023 ވަނަ އަހަރު ހަވާލުކޮށްފައިވާ މަސައްކަތެކެވެ.
މަސްވެރިކަމުގައި ފާހަގަކޮށްލެވޭ ވިލިގިނލީގައި މިހާރުވެސް 22 މަސް ދޯނި މަސްވެރިކަން ކުރަމުން އަންނަ ކަމަށް މަޢުލޫމާތު ލިބިފައިވެއެވެ. މި ދާއިރާ ކުރިއެރުވުމަށާއި، މިހާރުވެސް މަސްވެރިކަން ކުރަމުން އަންނަ ފަރާތްތަކަށް ރަނގަޅު ފެންވަރުގެ ބަނދަރެއްގެ ބޭނުން ވަރަށް މުހިއްމެވެ.
ހަމައެއާއެކު ކޫއްޑޫއަށް މަސްކިރުވުމަށް ރާއްޖޭގެ އެންމެ އުތުރާއި ދެކުނުން އަންނަ ދޯނިފަހަރު މަޑުކޮށްލުމަށް ވަރަށް ގިނައިން ވިލިނގިއްޔަށް އައިނަމަވެސް ބަނދަރުގެ ޖާގައިގެ ދަތިކަމާއެކު އެ ފުރުޞަތު ތަނަވަސްކުރެވޭނެ މަގެއް މި ވަގުތު ނެތްކަން އެ ރަށު ކައުންސިލުން ފާހަގަކުރެ އެވެ.
އެހެންކަމުން ބަނދަރުގެ މަސައްކަތް ނިމިގެންދާއިރު ވިލިނގިލީގެ މަސްވެރިންކަން ފުޅާކުރެވި، އެރަށަށް އަންނަ މަސްދޯނިފަހަރަށް ވެސް ފުރިހަމަ ޚިދުމަތެއް ފޯރުކޮށްދިނުމަކީ ވިލިނގިލީ ކައުންސިލާއި ރައްޔިތުންގެ ވެސް ވަރަށް ބޮޑު އުއްމީދެކެވެ.